ଓ୍ବାଶିଂଟନ/ମସ୍କୋ, ୧୬।୫ : ଆମେରିକାର ଏକ ପତ୍ରିକା ରିପୋର୍ଟ କରିଛି ଯେ ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନ ରକ୍ତ କର୍କଟ ଭଳି ଗୁରୁତର ରୋଗରେ ପୀଡିତ। ନ୍ୟୁ ଲାଇନ୍ସ ପତ୍ରିକା ରୁଷିଆର ନେତାଙ୍କ ନିକଟତର ଜଣେ ବ୍ୟକ୍ତିଙ୍କ ଦ୍ୱାରା ପ୍ରଦାନ କରାଯାଇଥିବା ତଥ୍ୟ ଆଧାରରେ ଏହି ଦାବି କରିଛି। ଏହି ବ୍ୟକ୍ତି ପୁଟିନଙ୍କ ସ୍ବାସ୍ଥ୍ୟ ବିଷୟରେ ପାଶ୍ଚାତ୍ୟର ଜଣେ ଉଦ୍ୟୋଗୀ ପୁଞ୍ଜିପତିଙ୍କ ସହ କଥା ହେଉଥିଲେ। ଏହି ବାର୍ତ୍ତାଳାପର ରେକର୍ଡିଂ ପତ୍ରିକା ପାଖରେ ଉପଲବ୍ଧ ।
ଏଥି ସହିତ ପୁଟିନ ଗୁରୁତର ଅସୁସ୍ଥ ଥିବା ଜଣେ ପୂର୍ବତନ ବ୍ରିଟିଶ ଗୁପ୍ତଚର ମଧ୍ୟ କହିଛନ୍ତି। ପୂର୍ବତନ ଗୁପ୍ତଚର ଖ୍ରୀଷ୍ଟୋଫର ଷ୍ଟିଲ ସ୍କାଏ ନ୍ୟୁଜକୁ କହିଛନ୍ତି ରୁଷିଆ ତଥା ଅନ୍ୟାନ୍ୟ ସ୍ଥାନରେ ଥିବା ଆମର ଉତ୍ସରୁ ଏହା ଶୁଣୁଛୁ, ପୁଟିନ ଗୁରୁତର ଅସୁସ୍ଥ ଅଛନ୍ତି।
ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ଷ୍ଟିଲ ଏକ ଡୋଜିୟର ଲେଖିଛନ୍ତି ଯେ ୨୦୧୬ ଆମେରିକାର ରାଷ୍ଟ୍ରପତି ନିର୍ବାଚନରେ ରୁଷିଆ ହସ୍ତକ୍ଷେପ କରିଛି।
ଗତ ସପ୍ତାହରେ ରୁଷିଆର ବିଜୟ ଦିବସ ପାଳନ ଅବସରରେ ପୁଟିନ ଦୁର୍ବଳ ଦେଖାଯିବା ପରେ ରୁଷିଆର ରାଷ୍ଟ୍ରପତିଙ୍କ ସ୍ବାସ୍ଥ୍ୟ ବିଷୟରେ ଗୁଜବ ଆରମ୍ଭ ହୋଇଥିଲା। ଏହି ସମୟରେ ପ୍ୟାରେଡ ଦେଖିବାବେଳେ ସେ ତାଙ୍କ ପାଦରେ ଗାଢ଼ ସବୁଜ କପଡା ରଖିଥିଲେ। ଏହି ସମୟରେ ସେ ଦ୍ୱିତୀୟ ବିଶ୍ୱଯୁଦ୍ଧର ଯୋଦ୍ଧାମାନଙ୍କ ସହିତ ବସିଥିଲେ। ବ୍ଲାକ ବମ୍ବେର ଜ୍ୟାକେଟ ପିନ୍ଧିଥିବା ପୁଟିନଙ୍କୁ ମଧ୍ୟ କାଶ ହେଉଥିବା ଦେଖିବାକୁ ମିଳିଥିଲା।