ହାର୍ଟ ଆଟାକ୍ ବା ହୃଦ୍ଘାତର ବିଭିନ୍ନ କାରଣ ରହିଛି। ବିଶେଷଭାବରେ ହୃତ୍ପିଣ୍ଡକୁ ରକ୍ତ ସଞ୍ଚାଳନରେ ବାଧା ସୃଷ୍ଟି ହେଲେ ତାହାର ପ୍ରଭାବ ହୃତ୍ପିଣ୍ଡ ଉପରେ ପଡ଼ିଥାଏ ଏବଂ ଏଥିଯୋଗୁ ମୁଖ୍ୟତଃ ହାର୍ଟ ଆଟାକ ହୋଇଥାଏ। ତେବେ ଏହାପଛରେ ବ୍ଲଡଗ୍ରୁପ୍ର ସମ୍ପର୍କ ରହିଛି ବୋଲି ପୂର୍ବାନୁମାନ କରିଛନ୍ତି ୟୁନିଭର୍ସିଟି ଅଫ ଲଣ୍ଡନର ହୃଦ୍ଶଲ୍ୟ ବିଶେଷଜ୍ଞମାନେ। ଏକ ମଧ୍ୟବର୍ତ୍ତିକାଳୀନ ରିପୋର୍ଟରେ ଉଲ୍ଲେଖ କରାଯାଇଛି ଯେ, ‘ଓ’ ବ୍ଲଡ ଗ୍ରୁପ୍ ଥିବା ବ୍ୟକ୍ତିମାନଙ୍କଠାରେ ଏଭଳି ଆଶଙ୍କା କମ୍ ରହିଛି। ତେବେ ‘ଏ’ ଏବଂ ‘ବି’ ଗ୍ରୁପ୍ ବିଶିଷ୍ଟ ରକ୍ତଧାରଣ କରିଥିବା ଲୋକମାନେ ହାର୍ଟ ଆଟାକର ସମ୍ମୁଖୀନ ହେବାର ଆଶଙ୍କା ଅଧିକ। ତେବେ ଏ ନେଇ ସେମାନେ କେବଳ ପୂର୍ବାନୁମାନ କରିଛନ୍ତି।