ଲକ୍ଷ୍ନୌ,୨୪।୪: ପ୍ରୟାଗରାଜରେ ମାଫିଆ ଅତିକ ଅହମ୍ମଦଙ୍କ କାର୍ଯ୍ୟାଳୟରେ ପୋଲିସ ପହଞ୍ଚି ଯାଞ୍ଚ କରିଛି। ଯାଞ୍ଚ ବେଳେ ପୋଲିସ କାର୍ଯ୍ୟାଳୟର ସ୍ଥାନେ ସ୍ଥାନେ ରକ୍ତ ଛିଟା ଏବଂ ଛୁରୀ ପଡିଥିବା ଦେଖିବାକୁ ମିଳିଛି। ପ୍ରୟାଗରାଜର ଏସିପି ସତ୍ୟେନ୍ଦ୍ର ପ୍ରସାଦ ତିୱାରୀ କହିଛନ୍ତି, ଅତିକଙ୍କ କାର୍ଯ୍ୟାଳୟ ଯାଞ୍ଚ କରିବା ସମୟରେ ସିଡ଼ି ନିକଟରେ ରକ୍ତ ଦାଗ ଏବଂ ଛୁରୀ ମିଳିଛି। ଆମେ ବର୍ତ୍ତମାନ ଏହାର ଅନୁସନ୍ଧାନ କରୁଛୁ। ରକ୍ତ ଦାଗର ଯାଞ୍ଚ ପାଇଁ ଫରେନସିକ ବିଶେଷଜ୍ଞଙ୍କ ଏକ ଟିମ୍ ମଧ୍ୟ ଡକାଯାଇଛି।
ଅତିକଙ୍କ ହତ୍ୟା ସଂପର୍କରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ତିନି ଜଣିଆ ନ୍ୟାୟିକ କମିଶନ ଗଠନ କରିଛନ୍ତି। ଏହି ଆୟୋଗରେ ଆହ୍ଲାବାଦ ହାଇକୋର୍ଟର ଅବସରପ୍ରାପ୍ତ ବିଚାରପତି ଅରବିନ୍ଦ କୁମାର ତ୍ରିପାଠୀ, ପୂର୍ବତନ ରାଜ୍ୟ ଡିଜିପି ସୁବେଶ କୁମାର ସିଂ ଏବଂ ଅବସରପ୍ରାପ୍ତ ବିଚାରପତି ବ୍ରିଜେଶ କୁମାର ସୋନି ଅଛନ୍ତି। ଆୟୋଗ ୨ ଦୁଇ ମାସ ମଧ୍ୟରେ ରିପୋର୍ଟ ଉପସ୍ଥାପନ କରିବ।
