ସୋସିଆଲ ମିଡିଆରେ ଏକ ନୀଳ ରଙ୍ଗର ବିରଳ ସାପର ଫଟୋ ବେଶ୍ ଭାଇରାଲ ହେଉଛି। ଏହାକୁ ଲୋକେ ବିଶ୍ୱର ସବୁଠୁ ସୁନ୍ଦର ସାପ ବୋଲି କହୁଛନ୍ତି। ଭିଡିଓରେ ଦେଖିବାକୁ ମିଳିଛି, ଏକ ଲାଲ୍ ଗୋଲାପ ଉପରେ ନୀଳ ରଙ୍ଗର ସାପଟି ବସିଛି। ଲାଲ ରଙ୍ଗରେ ନୀଳ ରଙ୍ଗକୁ ୟୁଜରମାନେ ବେଶ୍ ପସନ୍ଦ କରୁଛନ୍ତି। ଏହି ସାପ ପ୍ରାଣଘାତକ। ଏହାର ବିଷ ଭିତର ଏବଂ ବାହାର ଉଭୟ ପାଇଁ କ୍ଷତିକାରକ। ଏହା କାମୁଡ଼ିଲେ ପ୍ରବଳ ରକ୍ତସ୍ରାବ ହୋଇଥାଏ। ଏହାର ନାମ ବ୍ଲୁ ପିଟ୍ ଓ୍ବାଇପର। ତଥାପି ଲୋକେ ଏହାକୁ ପସନ୍ଦ କରୁଛନ୍ତି।
The incredibly beautiful Blue Pit Viper pic.twitter.com/zBSIs0cs2t
— Life on Earth (@planetpng) September 17, 2020
ମସ୍କୋ ଚିଡ଼ିଆଘର ଅନୁଯାୟୀ, ଏହି ସାପ ଧଳା ଆଇଲ୍ୟାଣ୍ଡ୍ ପିଟ୍ ଓ୍ବାଇପର ବ୍ଲୁ ରଙ୍ଗର। ଏହି ପ୍ରଜାତିର ସାପ ଇଣ୍ଡୋନେସିଆ ଏବଂ ପୂର୍ବ ତିମୋରରେ ଦେଖିବାକୁ ମିଳିଥାଏ। ସବୁଠୁ ଆଶ୍ଚର୍ଯ୍ୟଜନକ କଥା ଏହି ନୀଳ ରଙ୍ଗର ସାପ ଭିନ୍ନ ଭିନ୍ନ ରଙ୍ଗର ଛୁଆ ଜନ୍ମ କରିଥାଏ।
ଟୁଇଟର ଆକାଉଣ୍ଟ ‘ଲାଇଫ୍ ଅନ୍ ୟାର୍ଥ’ ପକ୍ଷରୁ ଏହି ଫଟୋ ଶେୟାର କରାଯାଇଛି। ଏଥିରେ କ୍ୟାପଶନ ଲେଖାଯାଇଛି, ଅବିଶ୍ୱସନୀୟ ରୂପରେ ‘ବ୍ଲୁ ପିଟ୍ ଓ୍ବାଇପର’।
ଏହି ଭିଡିଓ ସେପ୍ଟେମ୍ବର ୧୭ରେ ଶେୟାର କରାଯାଇଥିବା ବେଳେ ବର୍ତ୍ତମାନ ସୁଦ୍ଧା ୨.୨ ମିଲିୟନରୁ ଅଧିକ ୟୁଜର ଦେଖିସାରିଲେଣି।
