ଚିତ୍ରକୋଣ୍ଡା,୨୬ା୧(ଡି.ଏନ୍.ଏ.): ୭୩ତମ ସାଧାରଣତନ୍ତ୍ର ଦିବସ ଅବସରରେ ଗୁରୁପ୍ରିୟା ସେତୁଠାରେ ବିଏସ୍ଏଫ୍ ଡିଆଇଜି ସଞ୍ଜୟ କୁମାର ସିଂ, ଚିତ୍ରକୋଣ୍ଡା ତହସିଲଦାର ଟି. ପଦ୍ମନାଭ ଦୋରା, ବିଡିଓ ରାହୁଲ ମଣ୍ଡଳ ତଥା ଓଡ଼ିଶା ପୋଲିସ ପ୍ରଶାସନ ଉପସ୍ଥିତିରେ ସାଧାରଣତନ୍ତ୍ର ଦିବସ ପାଳନ କରାଯାଇଛି। ଏହି ଅବସରରେ ମାଲକାନଗିରି ଜିଲା ଚିତ୍ରକୋଣ୍ଡା ସ୍ବାଭିମାନ ଅଞ୍ଚଳ ଜାନବାଇଠାରେ ୧୫୧ଟି ଗାଁର ୧୦ ହଜାରରୁ ଅଧିକ ଲୋକଙ୍କ ନିମନ୍ତେ ଜରୁରିକାଳୀନ ସ୍ବାସ୍ଥ୍ୟସେବା ଯୋଗାଇ ଦେବା ପାଇଁ ସୀମା ସୁରକ୍ଷା ବାହିନୀ ପକ୍ଷରୁ ବୋଟ୍ ଆମ୍ବୁଲାନ୍ସ ଯୋଗାଇ ଦିଆଯାଇଛି। ବିଏସ୍ଏଫ୍ ଡିଆଇଜିଙ୍କ ଉପସ୍ଥିତିରେ ଉକ୍ତ ବୋଟ୍ ଆମ୍ବୁଲାନ୍ସ ସେବା ଆରମ୍ଭ ହୋଇଛି। ଉକ୍ତ ଅଞ୍ଚଳରେ ଯାତାୟାତ ପାଇଁ ଜଳପଥ ଥିବାରୁ ସ୍ବାସ୍ଥ୍ୟ ସେବାକୁ ବ୍ୟାପକ କରି ଆଉ ଏକ ବୋଟ୍ ଆମ୍ବୁଲାନ୍ସ ଚାଲିବ। ଏଥିରେ ୩୫ଟି ଗାଁର ୧୦ ହଜାରରୁ ଅଧିକ ଲୋକ ଉପକୃତ ହେବେ ବୋଲି ଆଶା କରାଯାଇଛି।
