ବରୀ, ୩।୬(ଡି.ଏନ୍.ଏ.): ଯାଜପୁର ଜିଲା ବରୀ ବ୍ଲକ ଅନ୍ତର୍ଗତ ଭଅଁରା ପଞ୍ଚାୟତ ସଙ୍ଗ ଗଦେଇପୁର ନିକଟରେ ତନ୍ତି ଘାଇ ନାଳରେ ଡଙ୍ଗା ବୁଡି ୨ ନାବାଳିକା ନିଖୋଜ ଥିଲେ। ନିଖୋଜ ନାବାଳିକାଙ୍କ ମଧ୍ୟରୁ ଜଣଙ୍କ ମୃତଦେହ ଉଦ୍ଧାର କରାଯାଇଛି। ସେ ହେଲେ ସାଗରିକା ପାତ୍ର (୧୧)।
ସୂଚନା ମୁତାବକ, ସେହି ଡଙ୍ଗାରେ ୫ ଜଣ ନାବାଳିକାଙ୍କ ସମେତ ନାଉରୀ ଜଣଙ୍କ ନଦୀ ପାର ହେଉଥିଲେ। ନଦୀ କୂଳରୁ କିଛି ଦୂରରେ ଡଙ୍ଗାଟି ଭାରସାମ୍ୟ ହରାଇ ଓଲଟି ପଡିବାରୁ ନାଉରୀ ଜଣଙ୍କ ସମେତ ଅନ୍ୟ ୩ ଜଣ ପହଁରି କୂଳକୁ ଆସିଥିଲେ। ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ଗୁରୁତର ହେବାରୁ ଚିକିତ୍ସାଳୟକୁ ପଠାଯାଇଥିଲା।