ଭୁବନେଶ୍ୱର,୧୨।୨: ବ୍ୟାଙ୍କ ଅଫ୍ ବରୋଦା(ବିଓବି)ର ନିର୍ଦ୍ଦେଶକ ମଣ୍ଡଳୀ ବୈଠକ ନିକଟରେ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ବ୍ୟାଙ୍କର ଆଗାମୀ କାର୍ଯ୍ୟକଳାପ ଓ କାରବାର ସହିତ ନୂତନ ଯୋଜନା ଆଦି ସମ୍ପର୍କରେ ବିସ୍ତୃତ ଆଲୋଚନା ସହ ୨୦୨୩ ଡିସେମ୍ବର ୩୧ ସୁଦ୍ଧା ହୋଇଥିବା ତ୍ରୈମାସିକ ଆର୍ଥିକ ଫଳାଫଳ ଘୋଷଣା କରାଯାଇଛି। ଏପରିକି ବିଓବିର ତୃତୀୟ ତ୍ରୈମାସିକ ଏବଂ ଆର୍ଥିକ ବର୍ଷର ୯ମ ମାସରେ ୩୮.୨% ର ଉଲ୍ଲେଖନୀୟ ବୃଦ୍ଧି ସହ ନେଟ୍ ଲାଭ ମୋଟ ୧୨,୯୦୨ କୋଟି ହୋଇଛି ବୋଲି ବ୍ୟାଙ୍କ ପକ୍ଷରୁ ବିସ୍ତୃତ ରିପୋର୍ଟ ପ୍ରକାଶ କରାଯାଇଛି।
ଏପରିକି ୨୦୨୩ ଡିସେମ୍ବର ୩୧ ସୁଦ୍ଧା ବିଓବିର ଗ୍ଲୋବାଲ୍ ବ୍ୟବସାୟ ୧୦.୭% ବୃଦ୍ଧି ହୋଇ ମୋଟ ୨୨,୯୪,୬୨୭ କୋଟି ହୋଇଛି। ସେହିଭଳି ବ୍ୟାଙ୍କର ନେଟ୍ ଲାଭ ତୃତୀୟ ତ୍ରୈମାସିକ (କ୍ୟୁ୩ଏଫୱାଇ-୨୪)ରେ ମୋଟ ୪,୫୭୯ କୋଟି ରହିଛି, ଯାହାକି ପୂର୍ବ ବର୍ଷ ତୁଳନାରେ ୧୮.୮%ର ଅଭିବୃଦ୍ଧି ହୋଇଛି। ବିଶେଷକରି ତୃତୀୟ ତ୍ରୈମାସିକ ପାଇଁ ରିଟର୍ନ ଅନ୍ ଆସେଟ୍ (ଆରଓଏ) ୧.୨୦% ଓ ୯ଏମ୍ ଏଫୱାଇ୨୪ ପାଇଁ ୧.୧୫% ରହିଛି। ରିଟର୍ନ ଅନ୍ ଇକ୍ୟୁଟି (ଆରଓଇ) ପୂର୍ବ ବର୍ଷ ତୁନଳାରେ ୧୬୮ ବିପିଏସ୍ ଅଧିକ ରହିଛି, ଯାହା ୯ଏମଏଫୱାଇ୨୪ରେ ୧୮.୭୦% ଥିଲା।
ସେହିପରି ବ୍ୟାଙ୍କ ଲାଭରେ ଏହି ଉଲ୍ଲେଖନୀୟ ବିକାଶ ୯ଏମଏଫୱାଇ୨୪ ରେ ପୂର୍ବ ବର୍ଷ ତୁଳନାେରେ ସୁସ୍ଥ ଅପରେଟିଂ ଆୟରେ ୧୮.୮% ବୃଦ୍ଧି କାରଣରୁ ହୋଇପାରିଛି। ଅପରପକ୍ଷରେ ବ୍ୟାଙ୍କର ଅପରେଟିଂ ଆୟ ବୃଦ୍ଧି କ୍ଷେତ୍ରରେ ୯ଏମଏଫୱାଇ୨୪ରେ ଅଣ ସୁଧ ଆୟରେ ପୂର୍ବ ବର୍ଷ ତୁଳନାରେ ପ୍ରାୟ ୧.୫ଗୁଣା ବୃଦ୍ଧି ପାଇଛି, ଯାହାକି ୧୦,୩୦୪ କୋଟିରେ ପହଞ୍ଚତ୍ଛି। ଆୟରେ ଦୃଢ଼ ବୃଦ୍ଧି ସହିତ ଓପେକ୍ସରେ ନିୟମିତ ବୃଦ୍ଧି ହେତୁ ପୂର୍ବ ବର୍ଷ ତୁଳନାରେ ୯ଏମଏଫୱାଇ୨୪ ରେ ଉଲ୍ଲେଖନୀୟ ଭାବରେ ଅପରେଟିଂ ଲାଭରେ ୨୧.୭% ବୃଦ୍ଧି ହୋଇଛି।