କଟକ ଅଫିସ,୧୧।୪: ମହାନଦୀରରୁ ସୋମବାର ଅନ୍ୟଜଣେ ନିଖୋଜ ଛାତ୍ରଙ୍କ ମୃତଦେହ ଉଦ୍ଧାର କରାଯାଇଛି। ହେଲେ ଏବେ ବି ଆଉ ଜଣେ ଛାତ୍ର ନିଖୋଜ ଅଛନ୍ତି । ନିଖୋଜ ଦୁଇ ଛାତ୍ରଙ୍କ ମଧ୍ୟରୁ ଆୟୁର ଖାନଙ୍କ ମୃତଦେହ ଉଦ୍ଧାର ହୋଇଛି । ସିଦ୍ଧିକ ଖାନ୍ଙ୍କୁ ଏପର୍ଯ୍ୟନ୍ତ ଠାବ କରାଯାଇ ପାରିନାହିଁ ।
ଅଗ୍ନିଶମ ବାହିନୀ ଏବଂ ଓଡ୍ରାଫ ଟିମ୍ ସହ ସ୍ଥାନୀୟ ମତ୍ସ୍ୟଜୀବୀ ସକାଳୁ ଉଦ୍ଧାର କାର୍ଯ୍ୟରେ ଲାଗିଥିଲେ। ସେତିକିବେଳେ ଉଦ୍ଧାରକାରୀ ଦଳ ଆୟୁରଙ୍କ ମୃତଦେହ ଠାବ କରିଥିଲେ।
ସୂଚନାଯୋଗ୍ୟ, ରବିବାର ଅପରାହ୍ନରେ ଯୋବ୍ରା ଚୂନଭାଟି ଚାରିଘରିଆ ଅଞ୍ଚଳର ୩ଜଣ ସାଙ୍ଗ ଗାଧୋଇବା ପାଇଁ ମହାନଦୀକୁ ଯାଇଥିଲେ। ସେତିକିବେଳେ ସେମାନେ ଭାସି ଯାଇଥିଲେ। ସେଠାରେ ଉପସ୍ଥିତ କିଛି ଲୋକ ସାହିଲଙ୍କୁ ଉଦ୍ଧାର କରି କଟକ ବଡ଼ ମେଡିକାଲରେ ଭର୍ତ୍ତି କରିଥିଲେ। ସେଠାରେ ଚିକିତ୍ସାଧୀନ ଅବସ୍ଥାରେ ସାହିଲଙ୍କ ମୃତ୍ୟୁ ଘଟିଥିଲା।
