କେନ୍ଦୁଝର,୧୫ା୪(ସ୍ବ.ପ୍ର.): ଟାଉନ ଥାନା ଅନ୍ତର୍ଗତ ତୁଳସୀଚଉରା ଗ୍ରାମ ନିକଟରେ ଥିବା ଏକ ବନ୍ଦ ପଥର ଖଣି ପାଣି ଭିତରୁ ଏକ ମୃତଦେହ ଜବତ ହୋଇଛି। ମୃତ ଯୁବକଙ୍କ ନାମ ଭବେଶ ପିଠାଡିଆ (୨୦) ଏବଂ ତାଙ୍କ ଘର କେନ୍ଦୁଝର ସହର ବୁଲା ଦୁଆର ସାହି ବୋଲି ଜଣାପଡିଛି। ଶନିବାର ଆଜି ଅପରାହ୍ନରେ ମୃତଦେହ ଭାସୁଥିବାର ଦେଖି ସ୍ଥାନୀୟ ଲୋକେ ପୋଲିସକୁ ସୂଚନା ଦେଇଥିଲେ। ମୃତ ଭବେଶ ଧରଣୀଧର ସ୍ବୟଂଶାସିତ କଲେଜରେ ଯୁକ୍ତ ଦୁଇ ଦ୍ୱିତୀୟ ବର୍ଷରେ ପଢୁଥିଲେ। ଅଗ୍ନିଶମ କର୍ମଚାରୀ ପାଣି ଭିତରୁ ମୃତଦେହ ଉଦ୍ଧାର କରିଛନ୍ତି। ଟାଉନ ପୋଲିସ ତଦନ୍ତ ଆରମ୍ଭ କରିଛି। ମୃତକଙ୍କ ବାପା ହରିଶ ପିଠାଡିଆଙ୍କ ଏତଲାକ୍ରମେ ଅପମୃତ୍ୟୁ କେସ୍ ନଂ ୩୫/୨୦୨୩ ରେ ବ୍ୟବଚ୍ଛେଦ ପାଇଁ ମେଡିକାଲ ପଠାଇଛି। ଘଟଣାସ୍ଥଳରୁ ଏକ ବାଇକ,ମୋବାଇଲ, ବ୍ୟାଗ୍ ଜବତ କରିଛି। ତେବେ ଏହା ଏକ ଆତ୍ମହତ୍ୟା ନା ହତ୍ୟା ତାହା ଜଣାପଡ଼ିନାହିଁ । ଆତ୍ମହତ୍ୟା କରିଥିବା ଯୁବକଙ୍କ ସହ ଜଣେ ସଂଖ୍ୟାଲଘୁ ସମ୍ପ୍ରଦାୟର ଯୁବକ ଗତ କିଛି ଦିନ ହେବ ଉକ୍ତ ପରିତ୍ୟକ୍ତ ଖଣିକୁ ଯାଉଥିଲେ। ପୋଲିସ ଏହାର ତଦନ୍ତ କଲେ ଜଣାପଡ଼ିବ ବୋଲି ଅଞ୍ଚଳରେ ଆଲୋଚନା ହେଉଛି।