ରହସ୍ୟରେ ପରିପୂର୍ଣ୍ଣ ଆମାଜନ ଜଙ୍ଗଲ ଏକ ପଜଲ ପରି। କୋଟି କୋଟି ଏକର ପର୍ଯ୍ୟନ୍ତ ଏହା ବିସ୍ତାର ହୋଇଥିବାରୁ ଏହି ଜଙ୍ଗଲ ବିଶ୍ୱର ବୃହତ୍ତମ ଜଙ୍ଗଲ ମଧ୍ୟରେ ଗଣାଯାଏ। ଏହି ଜଙ୍ଗଲ ଏତେ ବିସ୍ତୃତ ଯେ ଏହା ୯ଟି ଦେଶର ସୀମାକୁ ସ୍ପର୍ଶ କରେ। ଏହା ମଧ୍ୟ କୁହାଯାଏ ଯେ, ଏହି ଜଙ୍ଗଲରେ ଅଦ୍ଭୁତ ଜୀବ ଏବଂ ବୃକ୍ଷଲତା ରହିଥାନ୍ତି। ଫଳରେ ମଣିଷମାନେ ଏହି ଜଙ୍ଗଲକୁ ଯିବା ପାଇଁ ଭୟ କରିଥାନ୍ତି। ଏହି ଜଙ୍ଗଲରେ ଏପରି ଏକ ନଦୀ ଅଛି, ଯାହାର ପାଣି ସବୁବେଳ ପାଇଁ ଫୁଟୁଛି। କୁହାଯାଏ, ଯଦି କେହି ଅଜାଣତରେ ଏହି ନଦୀ ପାଣିରେ ଖସି ପଡ଼ନ୍ତି ତେବେ ତାଙ୍କର ମୃତ୍ୟୁ ସୁନିଶ୍ଚିତ।
ପେରୁରେ ଥିବା ଏହି ରହସ୍ୟମୟୀ ନଦୀକୁ ୨୦୧୧ ମସିହାରେ ଭୂବିଜ୍ଞାନୀ ଆଣ୍ଡ୍ରେ ରୁଜୋ ଆବିଷ୍କାର କରିଥିଲେ। ମୟାନତୁୟାକୁ ନାମକ ଏହି ନଦୀର ଆବିଷ୍କାରର କାହାଣୀ ଅତ୍ୟନ୍ତ କୌତୂହଳପୂର୍ଣ୍ଣ, ଯାହା ବିଷୟରେ ଆଣ୍ଡ୍ରେ ରୁଜୋ କହିଛନ୍ତି।ବାସ୍ତବରେ, ପିଲାଦିନରୁ, ରୁଜୋ ଏପରି କଳ୍ପିତ ନଦୀଗୁଡ଼ିକର କାହାଣୀ ଶୁଣିଥିଲେ, ଯାହା ତାଙ୍କୁ ଆଶ୍ଚର୍ଯ୍ୟ କରିଦେଇଥିଲା, କିନ୍ତୁ ସେତେବେଳେ ସେ ଆଦୌ ଅନୁଭବ କଲେ ନାହିଁ ଯେ, ଏପରି ନଦୀ ପ୍ରକୃତରେ ଅଛି କି ନାହିଁ।
ଏହି ଦ୍ୱନ୍ଦ୍ୱରେ, ଦିନେ ଆଣ୍ଡ୍ରେ ଆମାଜନ ଜଙ୍ଗଲରେ ପହଞ୍ଚିଥିଲେ, ଯେଉଁଠାରେ ସେ ତାଙ୍କର କାଳ୍ପନିକ କାହାଣୀର ସତ୍ୟତା ଦେଖିଥଲେ। ଶେଷରେ ସେ ଏକ ନଦୀ ଖୋଜିବାରେ ସଫଳ ହେଲେ ଯାହାର ପାଣି ରହସ୍ୟମୟ ଭାବରେ ଫୁଟୁଥିଲା। ଏହି ନଦୀ ପ୍ରାୟ ଏକ ମାଇଲ ପର୍ଯ୍ୟନ୍ତ ଲମ୍ବ। ଆଣ୍ଡ୍ରେ କୁହନ୍ତି, ଏହି ନଦୀର ପାଣି ଏତେ ଗରମ ଯେ, ଏଥିରେ ଆପଣ ଚା’ କରି ପାରିବେ। ଏହି ନଦୀ ପାଣିର ତାପମାତ୍ରା ୮୦ ଡିଗ୍ରୀ ସେଲସିୟସ।
ତାଙ୍କ କହିବାନୁସାରେ, ଏହି ନଦୀ ପ୍ରକୃତିର ଏକ ଚମତ୍କାର, ଯାହାର ଜଳ ରହସ୍ୟମୟ ଭାବରେ ଫୁଟୁଛି। ବୈଜ୍ଞାନିକମାନେ ଏ ବିଷୟରେ ଅନୁସନ୍ଧାନ କରୁଛନ୍ତି, କିନ୍ତୁ ଏପର୍ଯ୍ୟନ୍ତ ଏହାର ଜଳ କାହିଁକି ଗରମ ତାହା ଜଣା ପଡ଼ିନାହିଁ।