ଭୁବନେଶ୍ୱର,୧୭ା୧୦: ବ୍ୟାଙ୍କ ଅଫ୍ ଇଣ୍ଡିଆ (ବିଓଆଇ)ର ଡିଜିଟାଲ ବ୍ୟାଙ୍କିଙ୍ଗ୍ ୟୁନିଟ୍ (ଡିବିୟୁ) ଉଦ୍ଘାଟିତ ହୋଇଯାଇଛି। ଏପରିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଭର୍ଚୁଆଲ ମୋଡ୍ରେ ଦେଶର ୭୫ଟି ଜିଲାରେ ୭୫ଟି ଡିଜିଟାଲ୍ ଡିବିୟୁ ଉଦ୍ଘାଟିତ ହୋଇଯାଇଛି।
ଏହି ପରିପ୍ରେକ୍ଷୀରେ ଖୋର୍ଦ୍ଧା ଜିଲା ଅଧୀନରେ ଥିବା କଳିଙ୍ଗ ଷ୍ଟାଡିୟମ (ନୟାପଲ୍ଲୀ ଭୁବନେଶ୍ୱର) ନିକଟସ୍ଥ ବିଓଆଇର ଡିବିୟୁ ମଧ୍ୟ ପ୍ରଧାନମନ୍ତ୍ରୀଙ୍କ ଦ୍ୱାରା ଭର୍ଚୁଆଲ ମୋଡ୍ରେ ଉଦ୍ଘାଟିତ ହୋଇଯାଇଛି। ଉଲ୍ଲେଖଯୋଗ୍ୟ ଯେ ଓଡ଼ିଶାରେ ୪ଟି ଡିଜିଟାଲ ବ୍ୟାଙ୍କିଙ୍ଗ୍ ୟୁନିଟ୍ ମଧ୍ୟରୁ ବିଓଆଇର ଡିବିୟୁ ଅନ୍ୟତମ । ଏହି ଅବସରରେ ବିଓଆଇର ଏମ୍ଡି ତଥା ସିଇଓ ଏ.କେ. ଦାସଙ୍କ ସମେତ ରିଜର୍ଭ ବ୍ୟାଙ୍କର ବ୍ୟାଙ୍କିଙ୍ଗ୍ ଲୋକପାଳ ପି.କେ.ନାୟକ, ବିଓଆଇ ମୁଖ୍ୟ କାର୍ଯ୍ୟାଳୟର ଡିଜିଟାଲ ବ୍ୟାଙ୍କିଙ୍ଗ୍ ମହାପ୍ରବନ୍ଧକ ରାଜେଶ ରାମ, ଏନ୍ବିଜି-ପୂର୍ବର ମହାପ୍ରବନ୍ଧକ ଏମ୍. କେ. ସିଂହ ଏବଂ ବ୍ୟାଙ୍କର ବରିଷ୍ଠ ଅଧିକାରୀ ଓ ଅନ୍ୟମାନେ ମଧ୍ୟ ଉପସ୍ଥିତ ଥିଲେ। ସେହିପରି ବ୍ୟାଙ୍କର ଗ୍ରାହକମାନେ ଏକ ଡିଜିଟାଲ ଭାରତ ପାଇଁ ଆଗେଇ ଆସିବା ଦରକାର।
ପ୍ରଧାନମନ୍ତ୍ରୀଙ୍କ ସ୍ବପ୍ନକୁ ସାକାର କରିବା ପାଇଁ ଏହି ଡିଜିଟାଲ ବ୍ୟାଙ୍କିଙ୍ଗ୍ ୟୁନିଟ୍ର ବ୍ୟବହାର କରିବା ସହ ଏହାର ଲୋକପ୍ରିୟତା ପାଇଁ ମଧ୍ୟ ଗୁରୁତ୍ୱ ଦେବା ଜରୁରୀ ବୋଲି ଏ.କେ. ଦାସ ଆହ୍ବାନ କରିଛନ୍ତି। ଏଠାରେ ଗ୍ରାହକମାନେ ସ୍ବୟଂ ସେବା ମୋଡ୍ ଏବଂ ଡିଜିଟାଲ ସହାୟତା ପ୍ରଦାନ ମୋଡ୍ ମାଧ୍ୟମରେ ବିନା କାଗଜ, ସୁରକ୍ଷିତ ଏବଂ କନେକ୍ଟ ହୋଇଥିବା ପରିବେଶ ମଧ୍ୟରେ ବିଭିନ୍ନ ବ୍ୟାଙ୍କିଙ୍ଗ୍ ଉପତ୍ାଦ ଓ ସେବା ପାଇପାରିବେ। ବିଓଆଇର ଏହି ୟୁନିଟ୍ଟି ଖୋର୍ଦ୍ଧା ଜିଲାର ଆର୍ଥିକ ଅନ୍ତର୍ଭୁକ୍ତୀକରଣ ଏବଂ ଡିଜିଟାଲ ବ୍ୟାଙ୍କିଙ୍ଗ୍ ସାକ୍ଷରତା ପାଇଁ ମଧ୍ୟ କାର୍ଯ୍ୟ କରିବ। ସେହିଭଳି କ୍ୟାଶ୍ ଉଠାଣ ଏବଂ ଜମା, ଆକାଉଣ୍ଟ ଖୋଲିବା, ସ୍ଥାୟୀ ଜମା-ଆର୍ଡି, ଡିଜିଟାଲ ଲୋନ୍, ପାସ୍ବୁକ୍ ପ୍ରିଣ୍ଟିଙ୍ଗ୍, ବାଲାନ୍ସ ଅନୁସନ୍ଧାନ ଏବଂ ଫଣ୍ଡ ଟ୍ରାନ୍ସଫର ପରି ସେବା ଏଠାରେ ସ୍ବୟଂ ସେବା ମୋଡ୍ରେ ଗ୍ରାହକମାନେ ଯେ କୌଣସି ସମୟ (୨୪/୭)ରେ ପାଇପାରିବେ।