ଅବୁଜା,୧୬।୧୨: ନାଇଜେରିଆରେ ବୋକୋ ହାରାମ ଆତଙ୍କବାଦୀମାନେ ୩୦୦ ସ୍କୁଲ ଶିକ୍ଷାର୍ଥୀଙ୍କୁ ଅପହରଣ କରିଛନ୍ତି। ଉତ୍ତରପଶ୍ଚିମ ନାଇଜେରିଆରେ ଥିବା କାଟସିନା ରାଜ୍ୟର କାନକାରାସ୍ଥିତ ସରକାରୀ ସାଇନ୍ସ ସେକେଣ୍ଡାରୀ ସ୍କୁଲର ୩୩୩ ଜଣ ଶିକ୍ଷାର୍ଥୀ ଗତ ଶୁକ୍ରବାରଠାରୁ ନିଖୋଜ ରହିଥିବା ସ୍ଥାନୀୟ ଗଭର୍ନର ଆମିନୁ ମାସାରି କହିଛନ୍ତି। ଦେଶରେ ଶିକ୍ଷା ବିକାଶକୁ ବୋକୋ ହାରାମ ଆତଙ୍କାବଦୀ ସଂଗଠନ ପକ୍ଷରୁ ଲଗାତାର ବିରୋଧ କରାଯାଉଛି। ଶିକ୍ଷାର୍ଥୀଙ୍କୁ ଅପହରଣ କରି କେଉଁଠି ରଖାଯାଇଛି ତାହାର ତଦନ୍ତ ଜାରି ରହିଛି। ସୂଚନାଯୋଗ୍ୟ, ୨୦୧୪ ଏପ୍ରିଲ୍ରେ ବୋକୋ ହାରାମ ଆତଙ୍କବାଦୀ ସଂଗଠନ ପକ୍ଷରୁ ବୋର୍ନୋ ରାଜ୍ୟର ଚିବୋକ୍ ସ୍ଥିତ ସେକେଣ୍ଡାରୀ ସ୍କୁଲରୁ ୨୭୦ ଜଣ ସ୍କୁଲ ଛାତ୍ରୀଙ୍କୁ ଅପହରଣ କରାଯାଇଥିଲା। ସେହିପରି ୨୦୧୪ ଫେବୃୟାରୀରେ ୫୯ ସ୍କୁଲ ଛାତ୍ରଙ୍କୁ ହତ୍ୟା କରାଯାଇଥିଲା। ଏହାକୁ ନେଇ ଶିକ୍ଷକ ସଂଘ ପକ୍ଷରୁ ଦେଶବ୍ୟାପି ବିକ୍ଷୋଭ ପ୍ରଦର୍ଶନ କରିବାକୁ ସରକାରଙ୍କୁ ଚେତାବନୀ ଦେଇଛନ୍ତି।