ଖଇରା,୧୮।୬(ଡି.ଏନ.ଏ.): ଯାଜପୁରରୋଡ୍ରୁ ଚୋରି ହୋଇଥିବା ଏକ ବୋଲେରୋ ଗାଡିକୁ ଖଇରାରୁ ଉଦ୍ଧାର କରାଯାଇଛି । ଯାଜପୁରରୋଡ୍ ଶଙ୍ଖଚିଲ ଗ୍ରାମର କନକଲତା ସାହୁଙ୍କ ବୋଲେରୋ ଗାଡି(ନଂ.ଓଡି୦୪୩୮୪୬)କୁ କେତେକ ଦୁର୍ବୃତ୍ତ ଚୋରିକରି ନେଇଥିଲେ। ଏନେଇ ଗାଡ଼ି ଡ୍ରାଇଭର ଦିଲୀପ କୁମାର ସାହୁ ବିଭିନ୍ନ ଡ୍ରାଇଭର ମହାସଂଘକୁ ଘଟଣା ସମ୍ପର୍କରେ ଜଣାଇଥିଲେ। ଖଇରା ଡ୍ରାଇଭର ମହାସଂଘ ତଦନ୍ତ କରି ଖଇରାରେ ଉକ୍ତ ବୋଲେରୋ ଗାଡ଼ି ଥିବା ନେଇ ସୂଚନା ଦେଇଥିଲେ। ଅନ୍ୟପକ୍ଷେ ଗାଡିକୁ କୁପାରୀ କେନାଲ ବନ୍ଧରେ ଥିବା କବାଡ଼ିଆକୁ ବିକ୍ରି ପାଇଁ ମୂଲଚାଲ ଚାଲିଥିବା ବେଳେ ଖଇରା ପୋଲିସ ପହଞ୍ଚି ବୋଲେରୋକୁ ଜବତ କରିଥିଲା। ପରେ ଗାଡିକୁ ଯାଜପୁର ନିଆଯାଇଛି। ପୋଲିସ ଘଟଣାରେ ସମ୍ପୃକ୍ତ ଥିବା ମରେଇଗାଁ ଅଞ୍ଚଳର ଅରବିନ୍ଦ ଓଝାଙ୍କୁ ଗିରଫ କରି ଅଧିକ ତଦନ୍ତ ଚଳାଇଛି।
