ମୁମ୍ବାଇ: ବି-ଟାଉନର ଅନେକ ଅଭିନେତ୍ରୀ ଅଛନ୍ତି, ଯେଉଁମାନେ ଆଜି ପର୍ଯ୍ୟନ୍ତ ବିବାହ କରିନାହାନ୍ତି। ତଥାପି ସେମାନେ ସଫଳ। ନିଜ ସର୍ତ୍ତରେ ଜୀବନଯାପନ କରୁଛନ୍ତି। ଏମାନଙ୍କ ମଧ୍ୟରୁ ଅନେକଙ୍କ ବିବାହ ସ୍ଥିର ହୋଇଥିଲେ ମଧ୍ୟ ଆଜି ପର୍ଯ୍ୟନ୍ତ ହାତଗଣ୍ଠି ପଡ଼ିନାହିଁ। ଆଉ ମଧ୍ୟ ପଡ଼ିବ ନାହିଁ ବୋଲି ସେମାନେ କୁହନ୍ତି। ତେବେ ଜାଣନ୍ତୁ ଏମାନଙ୍କ ସମ୍ପର୍କରେ…
ସୁସ୍ମିତା ସେନ୍: ପୂର୍ବତନ ମିସ୍ ୟୁନିଭର୍ସ ଆଜି ପର୍ଯ୍ୟନ୍ତ ବିବାହ କରିନାହାନ୍ତି। ମାତ୍ର ଦୁଇଟି ଝିଅଙ୍କୁ ସେ ପାଳୁଛନ୍ତି। ପ୍ରଯୋଜକ ବିକ୍ରମ ଭଟ୍ଟଙ୍କ ପ୍ରେମରେ ପଡ଼ିଥିବା ସୁସ୍ମିତା ଜୀବନ ସାରା ଏକାକୀ ରହିବାର ନିଷ୍ପତ୍ତି ନେଲେ।
ତବୁ: ପ୍ରତିଭାଶାଳୀ ଅଭିନେତ୍ରୀମାନଙ୍କ ମଧ୍ୟରୁ ତବୁ ଜଣେ। ତାଙ୍କର ବଳିଷ୍ଠ ଅଭିନୟ ସମସ୍ତଙ୍କୁ ପ୍ରଭାବିତ କରିଥାଏ। ତବୁଙ୍କର ଆଜି ପର୍ଯ୍ୟନ୍ତ ହାତଗଣ୍ଠି ପଡ଼ିନାହିଁ। ଶୁଣିବାକୁ ମିଳେ ତବୁଙ୍କର କିଛି ସାଥୀ କଳାକାରଙ୍କ ସହ ସମ୍ପର୍କ ଥିଲା। ତଥାପି ବିବାହ କରିନାହାନ୍ତି। କୁଆଡ଼େ ଅଜୟ ଦେବଗନଙ୍କ ଯୋଗୁ ତବୁ ଆଜି ଏକା।
ଆଶା ପରେଖ୍: ସିଲ୍ଭର ସ୍କ୍ରିନ୍ର ଅନ୍ୟତମ ସୁନ୍ଦରୀ ଅଭିନେତ୍ରୀ ଆଶା ପରେଖ ରାଜେଶ ଖାନ୍ନା, ଦେବ ଆନନ୍ଦ ଏବଂ ଶ୍ୟାମି କପୁରଙ୍କ ପରି ପ୍ରଖ୍ୟାତ ଅଭିନେତାଙ୍କ ସହ କାମ କରିଥିଲେ। ତଥାପି କୌଣସି ରାଜକୁମାରଙ୍କୁ ଆକର୍ଷିତ କରିପାରି ନ ଥିଲେ। ଆଶା ଏକ ସାକ୍ଷାତକାରରେ କହିଥିଲେ, ପୁରୁଷମାନେ ତାଙ୍କୁ ବିବାହ କରିବାକୁ ଅନୁପଯୁକ୍ତ ବୋଲି ଜାଣିଛନ୍ତି।
ଅମୀଷା ପଟେଲ: ବ୍ଲକବଷ୍ଟର ଫିଲ୍ମ‘କହୋନା ପ୍ୟାର ହୈ’ରେ ଡେବ୍ୟୁ କରିଥିବା ଅଭିନେତ୍ରୀ ଅମୀଷା ପଟେଲ ଲକ୍ଷଲକ୍ଷ ଯୁବକଙ୍କ ହୃଦୟରେ ଥିଲେ। ତଥାପି ଅମୀଷାଙ୍କୁ ପ୍ରକୃତ ପ୍ରେମ ମିଳିନାହିଁ। ଯେଉଁଥିପାଇଁ ଆଜି ପର୍ଯ୍ୟନ୍ତ ବିବାହ କରିନାହାନ୍ତି।
