ମୁମ୍ବାଇ: ଐଶ୍ୱଯ୍ୟା ରାୟ ବଚ୍ଚନ ୪୯ ବର୍ଷ ବୟସରେ ପଦାର୍ପଣ କରିଛନ୍ତି । ଏହାପରେ ଏବେବି ସେ ପୂର୍ବପରି ଦର୍ଶକଙ୍କ ପ୍ରଥମ ପସନ୍ଦ ନାୟିକା ହୋଇ ରହିଛନ୍ତି । ବଲିଉଡର ଏହି ମୋଷ୍ଟ ପପୁଲାର ଆକ୍ଟ୍ରେସ୍ ମିସ ୱାର୍ଲ ଟାଇଟଲ ହାସଲ କରିବା ପରେ ବଲିଉଡରେ ଏଣ୍ଟ୍ରି କରିଥିଲେ । ଏହାପରେ ତାଙ୍କ ସୁନ୍ଦରତା ସାଙ୍ଗକୁ ଅଭିନୟରେ ମାହିର ଥିବା ଐଶ୍ୱର୍ଯ୍ୟା ଦର୍ଶକଙ୍କ ନିକଟରେ ନିଜର ଏକ ଭିନ୍ନ ପରିଚୟ ସୃଷ୍ଟି କରିଥିଲେ । ତାଙ୍କ ଅଭିନୀତ କିଛି ହିଟ୍ ମୁଭି ଆଜିବି ଦର୍ଶକେ ଯେତେଥର ଦେଖିଲେ ମନ ବୁଝେନାହିଁ ବୋଲି କୁହାଯାଏ । ତେବେ ଐଶ୍ୱର୍ଯ୍ୟାଙ୍କ ଅଭିନୀତ ଏମିତି କିଛି ମୁଭି ଅଛି ଯେଉଁଥିରେ ତାଙ୍କୁ ପ୍ରଥମ ପସନ୍ଦ ନାୟିକା ଭାବେ ଗ୍ରହଣ କରାଯାଇ ନ ଥିଲା । କିନ୍ୁ ଯେତେବେଳେ ଏହି ଅଫିର ତାଙ୍କ ନିକଟକୁ ଆସିଥିଲା ସେତେବେଳେ ସେ ଏସବୁ ଫିଲ୍ମରେ ଏମିତି ଅଭିନୟ କରିଥିଲେ ଯେ ଏହା ବକ୍ସ ଅଫିସରେ କମାଲ କରିଥିଲା ।
କିନ୍ତୁ ଯେତେବେଳେ ଏହି ଅଫର ତାଙ୍କ ନିକଟକୁ ଆସିଥିଲା ସେତେବେଳେ ସେ ଏସବୁ ଫିଲ୍ମରେ ଏମିତି ଅଭିନୟ କରିଥିଲେ ଯେ ଏହା ବକ୍ସ ଅଫିସରେ କମାଲ କରିଥିଲା ।
ବଲିଉଡର ସୁପରହିଟ୍ ମୁଭି ‘ଦେବଦାସ’ର ଷ୍ଟାର କାଷ୍ଟରେ ଥିଲେ ଶାହାରୁଖ ଖାଁ, ଐଶ୍ୱର୍ଯ୍ୟା ରାୟ ଓ ମାଧୁରୀ ଦିକ୍ଷିତ । ଏହା ବକ୍ସ ଅଫିସରେ କମାଲ କରିଥିଲା । ହେଲେ ଏହି ଫିଲ୍ମ ପାଇଁ ନିର୍ଦ୍ଦେଶକ ସଞ୍ଜୟ ଲିଲା ଭଂସାଲି ପ୍ରଥମ ପସନ୍ଦରେ କରିନା କପୁରଙ୍କୁ ପାରୋ ଭୂମିକା ପାଇଁ ବାଛିଥିଲେ । କରିନା ବି ଏଥିପାଇଁ ସ୍କ୍ରିନ୍ ଟେଷ୍ଟ ଦେଇ ସାରିଥିଲେ । ହେଲେ ଭଂସାଲି ସାହେବ କାହାକୁ କିଛି ନ କହି କରିନାକୁ ରିପ୍ଲେସ କରି ଐଶ୍ୱର୍ଯ୍ୟାଙ୍କୁ ପାରୋ ଭୂମିକାରେ ନେଇଥିଲେ । ଆଉ ଏଥିରେ ଐଶଙ୍କ ଅଭିନୟକୁ ଦର୍ଶକେ ଖୁବ୍ ପସନ୍ଦ କରିଥିଲେ ।
ସେହିପରି ମୁଭି ‘ହମ ଦିଲ ଦେ ଚୁକେ ସନମ’ରେ ସଞ୍ଜୟ ଲିଲା ଭଂସାଲି ସଲମାନଙ୍କ ଅପୋଜିଟରେ କରିନାଙ୍କୁ କାଷ୍ଟ କରିବାକୁ ଚିନ୍ତା କରିଥିଲେ । ହେଲେ ଏଜ୍ ଡିଫରେନ୍ସ କାରଣରୁ ଓ ବିଦେଶ ଗସ୍ତ ଦର୍ଶାଇ କରିନା ଏହି ଫିଲ୍ମରେ କାମ କରିବାକୁ ମନା କରିଥିଲେ । ଶେଷରେ ଭଂସାଲି ଐଶ୍ୱର୍ଯ୍ୟାଙ୍କୁ ସଲମାନଙ୍କ ଅପୋଜିଟରେ ନେଇଥିଲେ । ଏହାବି ବକ୍ସ ଅଫିସରେ ହିଟ୍ ହୋଇଥିଲା । ଏଥିରେ ଐଶ୍ୱର୍ଯ୍ୟା ନନ୍ଦିନି ଭୂମିକାରେ ନଜର ଆସିଥିଲେ ।
ସେହିପରି ଏବେ ରିଲିଜ୍ ହୋଇଥିବା ବ୍ଲକବଷ୍ଟର ମୁଭି ‘ପୋନ୍ନିୟିନ ଲେଭମ ୧’ ବକ୍ସ ଅଫିସରେ ଭଲ ବ୍ୟବସାୟ କରିଛି । ଏଥିରେ ଐଶ୍ୱର୍ଯ୍ୟା ‘ ରାଣୀ ନନ୍ଦିନି’ ଭୁମିକାରେ ଅଭିନୟ କରିଛନ୍ତି । ତେବେ ଏକଥା ହୁଏତ ଅନେକ ଜାଣି ନ ଥିବେ ଯେ ଏହି ଚରିତ୍ର ପାଇଁ ପ୍ରଥମେ ମଣି ରତ୍ନମ ୮୦ ଦଶକର ନାୟିକା ରେଖାଙ୍କୁ ନେବାକୁ ଚିନ୍ତା କରିଥିଲେ । ଏକଥା ନିଜେ ମଣି ରତ୍ନମ ଏକ ସାକ୍ଷାତ୍କାରରେ କହିଥିଲେ ।