ଅନ୍ତର୍ଜାତୀୟ ପପ ତାରକା ରିହାନା ଏବଂ ପରିବେଶ କାର୍ଯ୍ୟକର୍ତ୍ତା ଗ୍ରେଟା ଥେନବର୍ଗ ଭାରତରେ ଚାଲିଥିବା କୃଷକ ଆନ୍ଦୋଳନକୁ ସମର୍ଥନ କରିଛନ୍ତି। କୃଷକମାନେ ଅନ୍ତର୍ଜାତୀୟ ସମର୍ଥନ ପାଇବା ପରେ ଏହାକୁ ଭାରତ ଭାଙ୍ଗିବା ପାଇଁ ଏକ ପ୍ରୟାସ ବୋଲି କୁହାଯାଉଛି। ବଲିଉଡର ସୁପରଷ୍ଟାର ଅଜୟ ଦେବଗନ ଏବଂ ଅକ୍ଷୟ କୁମାର ଏନେଇ ଟୁଇଟ୍ କରିଛନ୍ତି। ଅଜୟ ଦେବଗନ ତାଙ୍କ ପ୍ରଶଂସକଙ୍କୁ ନିବେଦନ କରି କହିଛନ୍ତି ଯେ, ଭାରତ କିମ୍ବା ଭାରତୀୟ ନୀତି ବିରୋଧରେ ଏହି ମିଥ୍ୟା ପ୍ରଚାରରେ ବିଶ୍ୱାସ କରନାହିଁ। ଏଥି ସହିତ ଅକ୍ଷୟ କୁମାର ଟୁଇଟ କରିଛନ୍ତି ଯେ ଆମ ମଧ୍ୟରେ ଦୂରତା ସୃଷ୍ଟି କରୁଥିବା ସ୍ବରକୁ ଧ୍ୟାନ ଦିଅନ୍ତୁ ନାହିଁ। ଅନ୍ୟପକ୍ଷରେ ଅକ୍ଷୟ କୁମାର ବୈଦେଶିକ ମନ୍ତ୍ରଣାଳୟର ବିବୃତ୍ତିକୁ ରିଟୁଇଟ କରି କହିଛନ୍ତି ଯେ କୃଷକ ଆମ ଦେଶର ଏକ ଗୁରୁତ୍ୱପୂର୍ଣ୍ଣ ଅଂଶ। ସେମାନଙ୍କର ସମସ୍ୟାର ସମାଧାନ ପାଇଁ ପ୍ରୟାସ ମଧ୍ୟ ହୋଇଛି। ଏପରି ପରିସ୍ଥିତିରେ ଦୂରତା ସୃଷ୍ଟି କରୁଥିବା ଜିନିଷ ଉପରେ ଧ୍ୟାନ ଦେବା ପରିବର୍ତ୍ତେ, ପରସ୍ପର ସହିତ ସମାଧାନ କରି ପରସ୍ପରକୁ ସମର୍ଥନ କରନ୍ତୁ। ଏହି ଟୁଇଟ ପରେ ବଲିଉଡ ତାରକାମାନେ ମଧ୍ୟ #IndiaTogether #IndiaAgainstPropaganda ପରି ହ୍ୟାସଟ୍ୟାଗ ବ୍ୟବହାର କରୁଛନ୍ତି।