ମୁମ୍ବାଇ: ବି-ଟାଉନର ଚର୍ଚ୍ଚିତ ଯୋଡି ତଥା ବଲିଉଡ୍ ଅଭିନେତା ରଣବୀର କପୁର ଓ ଅଭିନେତ୍ରୀ ଆଲିଆ ଭଟ୍ଟଙ୍କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ଚଳିତ ବର୍ଷ ଦୁଇ ଲଭ୍ବାର୍ଡ ବିବାହ କରିବେ ନାହିଁ। କାରଣ ଦେଶରେ ମହାମାରୀ କରୋନା ଭାଇରସ୍ ଜାରି ରହିଛି। ଏଭଳି ସ୍ଥିତିରେ ବିବାହ ପ୍ରସ୍ତୁତିର ସମସ୍ତ ଉତ୍ସାହକୁ ଧୂଳିସାତ୍ କରିଦେଇଛି ବୋଲି ରଣବୀର ଓ ଆଲିଆ କହିଛନ୍ତି। ଏତଦ୍ ବ୍ୟତୀତ ଆଗାମୀ କିଛି ମାସ ଦୁହେଁ ନିଜ କାମକୁ ନେଇ ବ୍ୟସ୍ତ ରହିବେ ବୋଲି ଜଣାପଡ଼ିଛି। ଏଥିପାଇଁ ଆଲିଆ ଓ ରଣବୀର ଚଳିତ ବର୍ଷ ଡିସେମ୍ବରରେ ବିବାହ କରିବେ ନାହିଁ ବୋଲି ନିଷ୍ପତ୍ତି ନେଇଛନ୍ତି। ଆସନ୍ତା ବର୍ଷ ଅର୍ଥାତ୍ ୨୦୨୧କୁ ଏହି ବିବାହ ତାରିଖ ଘୁଞ୍ଚାଇ ଦିଆଯାଇଛି। ବିବାହ ପ୍ରସ୍ତୁତି ଆରମ୍ଭ ହୋଇଥିବା ବେଳେ କୁହାଯାଉଛି, ଆଲିଆ ବିବାହ ଲେହେଙ୍ଗା ଡିଜାଇନ ପାଇଁ ସବ୍ୟସାଚୀଙ୍କୁ ଯୋଗାଯୋଗ କରିଥିଲେ। କିନ୍ତୁ ଏବେ ଏହାକୁ ସେ ସ୍ଥଗିତ ରଖିଦେଇଛନ୍ତି। ସୂଚନା ମୁତାବକ ଗତ କିଛି ଦିନରୁ ଆଲିଆ ଓ ରଣବୀର ଦୁହେଁ ଦୁହିଁଙ୍କୁ ଡେଟ କରୁଥିବା ବେଳେ ପ୍ରାୟ ସମୟରେ ଦୁହିଁଙ୍କୁ ଏକାଠି ସ୍ପଟ କରାଯାଇଛି। ଯଦି ଡିସେମ୍ବରରେ ଦୁହିଁଙ୍କ ବିବାହ ହୋଇଥାନ୍ତା ତେବେ ଏହା ଇଭେଣ୍ଟ ଅଫ ଦ ଇୟରରେ ସାମିଲ ହୋଇଥାନ୍ତା।