ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଖୁବଶୀଘ୍ର ମା’ ହେବାକୁ ଯାଉଛନ୍ତି। ଅନୁଷ୍କାଙ୍କ ସ୍ବାମୀ ତଥା ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ସୋସିଆଲ ମିଡିଆ ମାଧ୍ୟମରେ ଏହା ପ୍ରକାଶ କରିଥିଲେ। ନିକଟରେ ଅନୁଷ୍କା ଇନଷ୍ଟାଗ୍ରାମରେ ଏକ ଫଟୋ ଶେୟାର କରିଛନ୍ତି। ଯାହା ଖୁବ୍ ଭାଇରାଲ ହେବାରେ ଲାଗିଛି। ଫଟୋରେ ସେ ବ୍ଲାକ ଅଫ ସୋଲଡର୍ ମୋନୋକିନି ପିନ୍ଧି ସୁଇମିଂ ପୁଲ ଭିତରେ ବେବି ବମ୍ପ ଦେଖାଇ ଛିଡା ହୋଇଥିବା ନଜର ଆସିଥିଲେ। ଅନୁଷ୍କା ଫଟୋ କ୍ୟାପସନରେ ଲେଖିଛନ୍ତି- ତୁମ ଜୀବନରେ ପୂର୍ବରୁ ଥିବା ଭଲକୁ ଗ୍ରହଣ କରିବା ହେଉଛି ଉନ୍ନତିର ମୂଳଦୁଆ। ଯେଉଁମାନେ ମୋତେ ଦୟା ଦେଖାଇଛନ୍ତି ଏବଂ ମୋତେ ଏହି ଦୁନିଆରେ ଭଲ ଉପରେ ବିଶ୍ୱାସ କରିବାକୁ ପ୍ରେରଣା ଦେଇଛନ୍ତି ସମସ୍ତଙ୍କୁ ଧନ୍ୟବାଦ। ଏହି ଆତ୍ମବିଶ୍ୱାସ ସହିତ, ମୁଁ ଖୋଲା ହୃଦୟରେ ଉତ୍ତମ ଦୁନିଆକୁ ଫେରୁଛି ବୋଲି କହିଛନ୍ତି। ଏହି ଫଟୋରେ ବିରାଟ କମେଣ୍ଟ ଦେଇ କହିଛନ୍ତି, ମୋ ପୁରା ଦୁନିଆ ଗୋଟିଏ ଫ୍ରେମରେ ଅଛନ୍ତି। ୨୦୨୧, ଜାନୁଆରୀରେ ଅନୁଷ୍କା ନିଜ ପ୍ରଥମ ସନ୍ତାନଙ୍କୁ ଜନ୍ମ ଦେବାକୁ ଯାଉଛନ୍ତି।