ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ଖୁବଶୀଘ୍ର ମା’ ହେବାକୁ ଯାଉଛନ୍ତି। ସେ ଆଜିକାଲି ନିଜର ଗର୍ଭଧାରଣ ସମୟକୁ ଉପଭୋଗ କରୁଛନ୍ତି। ଗର୍ଭାବସ୍ଥାରେ ଅନୁଷ୍କା ପ୍ରତ୍ୟେକ କ୍ଷେତ୍ରରେ ବେଶ୍ ସକ୍ରିୟ ରହୁଛନ୍ତି। ସେ କେବଳ ଫଟୋସୁଟ କରୁନାହାଁନ୍ତି ବରଂ ସେ କ୍ରମାଗତ ଭାବରେ ନିଜର ବ୍ୟାୟାମ ଜାରି ରଖିଛନ୍ତି। ନିକଟରେ ଅନୁଷ୍କା ଶର୍ମାଙ୍କର ଏକ ନୂଆ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯେଉଁଥିରେ ସେ ଟ୍ରେଡମିଲରେ ଜଗିଂ କରୁଥିବାର ନଜର ଆସିଛନ୍ତି। ଏହି ଭିଡିଓରେ ସେ ଧଳା ଟି-ସାର୍ଟ ଏବଂ କଳା ଜଗିଂ ପିନ୍ଧିଥିବାର ନଜର ଆସିଥିଲେ। ଅନୁଷ୍କାଙ୍କ ଡେଲିଭରୀ ତାରିଖ ପାଖେଇ ଆସୁଛି। ସେଥିପାଇଁ ସେ ଯାଞ୍ଚ ପାଇଁ ଡାକ୍ତରଙ୍କ ନିକଟକୁ ଯାଉଛନ୍ତି। ଅନୁଷ୍କା ନିକଟରେ ଏକ ଫଟୋ ଶେୟାର କରିଛନ୍ତି। ଏହି ଫଟୋରେ ଅନୁଷ୍କା ଶର୍ମା ତାଙ୍କ କୁକୁର ସହିତ ନଜର ଆସିଛନ୍ତି। ଫଟୋ ଶେୟାର କରିବା ସମୟରେ ଅନୁଷ୍କା ଶର୍ମା ନିଜକୁ ଏକ ସିରିଏଲ ଚିଲର୍ ବୋଲି ବର୍ଣ୍ଣନା କରିଛନ୍ତି।ଫଟୋର କ୍ୟାପସନରେ ଅନୁଷ୍କା ଲେଖିଛନ୍ତି – ‘ଘରେ ସିରିଏଲ ଚିଲର। ଏହି ଫଟୋରେ ଅନୁଷ୍କା ଶର୍ମା ତାଙ୍କ କୁକୁର ପାଖରେ ବିଶ୍ରାମ ନେଉଛନ୍ତି।