କରୋନା ଭାଇରସ ବୃଦ୍ଧି ଯୋଗୁ ମହାରାଷ୍ଟ୍ରରେ ୧୫ ଦିନ ଲକ୍ଡାଉନ୍ ଜାରି କରାଯାଇଛି। ତେଣୁ ଏବେ ସାଧାରଣ ଲୋକଙ୍କ ଠାରୁ କଳାକାରଙ୍କ ପର୍ଯ୍ୟନ୍ତ ସମସ୍ତେ ଘରେ ସମୟ ବିତାଉଛନ୍ତି। ଅଭିନେତ୍ରୀ ଅନୁଷ୍କା ଶର୍ମା ମଧ୍ୟ ଏବେ ଘରେ ଅଛନ୍ତି। ଏହି ସମୟରେ ସେ ସ୍ବାମୀ ବିରାଟ କୋହଲିଙ୍କ ସହ ବିତାଇଥିବା ସୁନ୍ଦର ମୁହୂର୍ତ୍ତଗୁଡିକୁ ମନେ ପକାଇଛନ୍ତି। ସୋସିଆଲ ମିଡିଆରେ ଏକ ଅଦୃଶ୍ୟ ଭିଡିଓ ଶେୟାର କରିଛନ୍ତି, ଯାହାକି ଖୁବ୍ ଭାଇରାଲ ହେବାରେ ଲାଗିଛି।
ଏହି ଭିଡିଓଟି ୨୦୨୦ ମସିହାର। ଏଥିରେ ଅନୁଷ୍କା ୨୦୨୦ର ସର୍ବୋତ୍ତମ ମୁହୂର୍ତ୍ତଗୁଡିକୁ ପ୍ରଦର୍ଶନ କରିଛନ୍ତି। ଭିଡିଓରେ ଦେଖିବାକୁ ମିଳୁଛି ଯେ, ଅନୁଷ୍କା ସ୍ବାମୀ କୋହଲିଙ୍କ ସହ ଅନେକ କୁକୁରକୁ ଖାଇବାକୁ ଦେବାସହ ସେମାନଙ୍କ ସହ ଖେଳୁଛନ୍ତି ଏବଂ ବୁଲୁଛନ୍ତି ମଧ୍ୟ। ଏହି ଭିଡିଓରେ ଅନୁଷ୍କା-ବିରାଟଙ୍କ ପୋଷା କୁକୁର ଡ୍ୟୁଡ୍କୁ ମଧ୍ୟ ଦେଖିବାକୁ ମିଳୁଛି। ଏଥିସହ ଗରିବ ପିଲାମାନେ ମଧ୍ୟ ଭିଡିଓରେ ନଜର ଆସୁଛନ୍ତି। ସେମାନଙ୍କୁ ଅନୁଷ୍କା-ବିରାଟ ଖାଇବାକୁ ଦେଉଛନ୍ତି। ଏହାକୁ ଶେୟାର କରି ଅନୁଷ୍କା ଲେଖିଛନ୍ତି, ଗତବର୍ଷର କିଛି ବିଶେଷ ଏବଂ ମୂଲ୍ୟବାନ ମୁହୂର୍ତ୍ତ।