ବମ୍ବେ: ଦଶହରା ଉପଲକ୍ଷେ ରିଲିଜ ହେବାକୁ ଯାଉଛି ତିନୋଟି ବଲିଉଡ୍ ଫିଲ୍ମ। ସିନେମାହଲ ଖୋଲିବାକୁ ମହାରାଷ୍ଟ୍ର ସରକାର ଅନୁମତି ଦେଇଥିଲେ ହେଁ ଫିଲ୍ମଗୁଡ଼ିକ ଓଟିଟି ପ୍ଲାଟଫର୍ମରେ ରିଲିଜ ହେବ। ଅକ୍ଟୋବର ୧୫ରେ ବିଦ୍ୟୁତ ଜାମବାଲଙ୍କ ଫିଲ୍ମ ‘ସନକ’ ଡିଜନି+ହଟ୍ଷ୍ଟାରରେ ରିଲିଜ ହେବାକୁ ଥିବା ବେଳେ ସେହି ଦିନ ତାପସୀ ପନ୍ନୁଙ୍କ ‘ରଶ୍ମୀ ରକେଟ’ ମଧ୍ୟ ରିଲିଜ ହେବ। ଏହି ଫିଲ୍ମର ପ୍ରିମିୟର ଜି୫ରେ ହେବ। କେବଳ ସେତିକି ନୁହେଁ ଅକ୍ଟୋବର ୧୬ରେ ବିକ୍କି କୌଶଲଙ୍କ ‘ସର୍ଦ୍ଦାର ଉଦ୍ଧମ ସିଂ’ ଆମାଜନ ପ୍ରାଇମ୍ ଭିଡିଓରେ ରିଲିଜ ହେବା ସ୍ପଷ୍ଟ ହୋଇଛି। ତିନୋଟି ଯାକ ଫିଲ୍ମ ବିଗ୍ ବଜେଟ୍ର ଥିବାରୁ ବକ୍ସଅଫିସରେ କଡ଼ା ଟକ୍କର ଦେଖିବାକୁ ମିଳିବ ବୋଲି କୁହାଯାଉଛି।
