ବଲିଉଡ୍ ଇଣ୍ଡଷ୍ଟ୍ରିରେ ସବୁଠାରୁ ମଜାଳିଆ କଳାକାରଙ୍କ କଥା କୁହାଗଲେ ସର୍ବପ୍ରଥମ ନାମ ଆସିଥାଏ କିଶୋର କୁମାରଙ୍କର। ତାଙ୍କ ସମୟରେ କିଶୋରଙ୍କୁ ସବୁଠାରୁ ବିନ୍ଦାଶ୍ ବ୍ୟକ୍ତି ବୋଲି କୁହାଯାଉଥିଲା। ତେବେ କିଶୋର ସଂଗୀତରେ କ୍ୟାରିୟର କରିବାକୁ ଚାହୁଁଥିଲେ। କିନ୍ତୁ ସେ ଅଭିନୟ କରନ୍ତୁ ବୋଲି ତାଙ୍କ ବଡ଼ ଭାଇ ଚାହୁଁଥିଲେ। ଏହା ମଧ୍ୟରେ କିଶୋରଙ୍କ ପ୍ରଥମ ଫିଲ୍ମ ଫ୍ଲପ୍ ହୋଇଥିଲା। କାରଣ ତାଙ୍କର ଅଭିନୟ ପ୍ରତି ଆଗ୍ରହ ନ ଥିଲା। ଏଥିସହ ତାଙ୍କୁ ସଂଗୀତରେ ମଧ୍ୟ ସୁଯୋଗ ମିଳିଲା ନାହିଁ। ପରେ ଏମିତି ସମୟ ଆସିଲା, ତାଙ୍କ ଅଭିନୀତ ଅଧିକାଂଶ ସିନେମା ବକ୍ସ ଅଫିସରେ ଭଲ ପ୍ରଦର୍ଶନ କଲା। ପରଦାରେ ତାଙ୍କର ବିନ୍ଦାସ ଶୈଳୀକୁ ଲୋକେ ପସନ୍ଦ କରିବାକୁ ଲାଗିଲେ। ତାଙ୍କର ଗୋଟିଏ ଫଣ୍ଡା ଥିଲା, ନୋ ପେମେଣ୍ଟ, ନୋ ଓ୍ବାର୍କ।
ଥରେ ତାଙ୍କର ଏକ ଫିଲ୍ମର ଶୁଟିଂ ଚାଲିଥିଲେ। ସେଟ୍ରେ ସମସ୍ତେ ତାଙ୍କୁ ଅପେକ୍ଷା କରି ବସିଥଇଲେ। କିଛି ସମୟ ପରେ ଯେତେବେଳେ ସେ ସେଟ୍କୁ ଆସିଲେ ତାଙ୍କୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। କାରଣ ସେ ଅଧା ମେକ୍ଅପ୍ ନେଇ ସେଟ୍କୁ ଆସିଥିଲେ। ତାଙ୍କର ଏପରି ଲୁକ୍ର କାରଣ ଯେତେବେଳେ ନିର୍ଦ୍ଦେଶକ ପଚାରିଥିଲେ ସେ କହିଥିଲେ, ଉକ୍ତ ଫିଲ୍ମ ପାଇଁ ନିର୍ମାତା ତାଙ୍କୁ ଅଧା ଟଙ୍କା ଦେଇଛନ୍ତି। ତେଣୁ ସେ ଅଧା ମେକ୍ଅପ୍ରେ ସେଟ୍କୁ ଆସିଥିବା କହିଥିଲେ। ନିର୍ଦ୍ଦେଶକ ତାଙ୍କୁ ବହୁତ ବୁଝାଇବା ପରେ ସେ ଫୁଲ୍ ମେକ୍ଅପ୍ କରି ଶୁଟିଂ ଆରମ୍ଭ କରିଥିଲେ।
