ବମ୍ବେ: ଲଭ୍ ଲାଇଫ୍କୁ ନେଇ ଚର୍ଚ୍ଚାରେ ବଲିଉଡ୍ର ଚୁଲବୁଲି ନାୟିକା ଶ୍ରଦ୍ଧା କପୁର। ଏବେ ସେ ଅମ୍ବାନୀ ପରିବାରର ଅତିଥି ସାଜି ଅନନ୍ତଙ୍କ ବିବାହରେ ଯୋଗ ଦେବାକୁ ସେ ଜାମନଗରରେ ଅଛନ୍ତି। ଅନେକ ସେଲିବ୍ରିଟିଙ୍କ ଗହଳି ସତ୍ତ୍ୱେ ଶ୍ରଦ୍ଧା ରାହୁଲ ମୋଦିଙ୍କ ସହ ନଜର ଆସିବା ଖବର ଶିରୋନାମାରେ ରହିଛି। ଉଭୟ ପରସ୍ପରକୁ ଡେଟ୍ କରୁଥିବା କୁହାଯାଉଛି। ଏଣୁ ତାଙ୍କ ପ୍ରଶଂସକଙ୍କର ରାହୁଲଙ୍କ ବିଷୟରେ ଜାଣିବାକୁ ଉତ୍କଣ୍ଠା ବଢ଼ିଛି।
ରାହୁଲ ମୋଦି ହେଉଛନ୍ତି ‘ତୁ ଝୁଟି ମେ’ ମକାର’ର ଲେଖକ। ଏହି ଫିଲ୍ମରେ ଶ୍ରଦ୍ଧା କପୁର ନାୟିକା ସାଜିଥିଲେ। ଏହାଛଡ଼ା ‘ପ୍ୟାର୍ କା ପଞ୍ଚନାମା ୨’, ‘ସୋନୁ କି ଟିଟୁ କି ସ୍ବିଟି’ ଭଳି ଫିଲ୍ମ ଲାଗି ସେ ସ୍କ୍ରିପ୍ଟ ରାଇଟର୍ ଭାବେ କାମ କରିଛନ୍ତି। ରିପୋର୍ଟ ମୁତାବକ ତାଙ୍କ ପୂର୍ବରୁ ଶ୍ରଦ୍ଧା ରୋହନ ଶ୍ରେଷ୍ଠଙ୍କୁ ଡେଟ୍ କରୁଥିଲେ। ସେ ଜଣେ ଫଟୋଗ୍ରାଫର ଥିଲେ। ଦୀର୍ଘ ୭ ବର୍ଷ ଧରି ସମ୍ପର୍କରେ ରହିବା ପରେ ୨୦୨୨ରେ ସେମାନଙ୍କ ବାଟ ଅଲଗା ହୋଇଥିଲା।
ଅଭିନୟ ବିଷୟରେ କହିଲେ ଆଗାମୀ ଦିନରେ ଶ୍ରଦ୍ଧାଙ୍କ ଫିଲ୍ମ ‘ସ୍ତ୍ରୀ ୨’ ଖୁବ୍ଶୀଘ୍ର ପରଦାକୁ ଆସିବ। ଫିଲ୍ମରେ ତାଙ୍କ ସହ ରାଜକୁମାର ରାଓ, ପଙ୍କଜ ତ୍ରିପାଠୀ, ଅଭିଷେକ ବାନାର୍ଜୀ ପ୍ରମୁକ ନଜର ଆସିବେ।
