ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ବାମୀ ରାଜ କୁନ୍ଦ୍ରା ଶେଷରେ ଜେଲ୍ରୁ ମୁକୁଳିଛନ୍ତି। ରାଜ୍ଙ୍କୁ ମୁମ୍ବାଇର ଆର୍ଥର ରୋଡ ଜେଲରୁ ମୁକ୍ତ କରାଯାଇଛି। ଏଥି ସହ ତାଙ୍କ ସହକର୍ମୀ ରିୟାନ ଥର୍ପେ ମଧ୍ୟ ତାଙ୍କ ସହ ମୁକ୍ତ ହୋଇଛନ୍ତି। ଜେଲରୁ ବାହାରିବା ପରେ ତାଙ୍କୁ ଗଣମାଧ୍ୟମ ଘେରି ରହିଥିଲା, କିନ୍ତୁ ସେ ଗଣମାଧ୍ୟମର କୌଣସି ପ୍ରଶ୍ନର ଉତ୍ତର ଦେଇ ନ ଥିଲେ। ରାଜଙ୍କୁ ସୋମବାର ୫୦ ହଜାର ଟଙ୍କା ଜାମିନରେ ମାଜିଷ୍ଟ୍ରେଟ କୋର୍ଟ ଜାମିନ ପ୍ରଦାନ କରିଛନ୍ତି।
ପର୍ନ ଚଳଚ୍ଚିତ୍ର ନିର୍ମାଣ ଅଭିଯୋଗରେ ଜୁଲାଇ ୧୯ରେ ରାଜ୍ ଗିରଫ ହୋଇଥିଲେ। ଅନ୍ୟପକ୍ଷରେ, ରାଜ କୁନ୍ଦ୍ରା ଜାମିନ ପାଇବା ପରେ ମଧ୍ୟ ଶିଳ୍ପା ତାଙ୍କ ଇନଷ୍ଟା କାହାଣୀରେ ଏକ ପୋଷ୍ଟ ଶେୟାର କରିଛନ୍ତି। ଯେଉଁଥିରେ ଏହା ଲେଖା ଅଛି ଯେ, ଖରାପ ଝଡ଼ ଆସିବା ପରେ ଇନ୍ଦ୍ରଧନୁ ଭଳି ମନୋରମ ଦୃଶ୍ୟ ସମ୍ଭବ ହୋଇପାରେ। ତାଙ୍କ ସହିତ କୌଣସି ପ୍ରତ୍ୟକ୍ଷ ଯୋଗଦାନ ଦେଖାଯାଇ ନାହିଁ। ତେବେ ନିଜ ବିରୋଧରେ କୌଣସି ପ୍ରମାଣ ନ ଥିବା ରାଜ କହିଛନ୍ତି।