ବଲିଉଡ୍ର ଫିଲ୍ମ ‘ଲକ୍ଷ୍ମୀ’ରେ କିନ୍ନର ଚରିତ୍ରରେ ଅଭିନୟ କରୁଥିବା ଅଭିନେତା ଅକ୍ଷୟ କୁମାର କିନ୍ନର ବା ତୃତୀୟ ଲିଙ୍ଗଙ୍କ ଅଧିକାର ପାଇଁ ଏକ ନୂତନ ପଦକ୍ଷେପ ‘ଅବ ହମାରି ବାରୀ ହୈ’ ଆରମ୍ଭ କରିଛନ୍ତି। ଏହାର ଉଦ୍ଦେଶ୍ୟ ହେଉଛି ଲିଙ୍ଗଗତ ସମାନତାକୁ ପ୍ରୋତ୍ସାହିତ କରିବା ଏବଂ କିନ୍ନରଙ୍କୁ ସମାଜରେ ସମାନ ସ୍ଥାନ ଦେବା । ଏହି ପରିପ୍ରେକ୍ଷୀରେ ଅକ୍ଷୟ ଏକ ଭିଡିଓ ଶେୟାରକରି ସମସ୍ତଙ୍କୁ ତାଙ୍କ ମିଶନରେ ଯୋଗଦେବାକୁ ନିବେଦନ କରିଥିଲେ। ଏହି କାରଣରୁ ବର୍ତ୍ତମାନ ଅନେକ ସେଲିବ୍ରିଟି ମୁଣ୍ଡରେ ଟିକିଲି ଲଗାଇ ସେମାନଙ୍କର ଫଟୋ ପୋଷ୍ଟ କରୁଛନ୍ତି ଏବଂ ଅକ୍ଷୟଙ୍କ ଏହି ଅଭିଯାନରେ ସେମାନଙ୍କ ସମର୍ଥନ କରୁଛନ୍ତି।
ଏହି ଅବସରରେ ଟିଭି ରିଆଲିଟି ଶୋ’ ‘ବିଗ୍ ବସ୍ ୧୩’ର ବିଜେନତା ସିଦ୍ଧାର୍ଥ ଶୁକ୍ଲା ମଧ୍ୟ ଏହି ଅଭିଯାଜନରେ ଅଂଶଗ୍ରହଣ କରି ତୃତୀୟ ଲିଙ୍ଗ ସମର୍ଥନରେ ବାହାରିଛନ୍ତି। ସେ ଇନ୍ଷ୍ଟାଗ୍ରାମ୍ରେ ନିଜର ଏକ ଫଟୋ ଶେୟାର କରିଛନ୍ତି, ଯେଉଁଥିରେ ନାଲ ଟିକିଲି ପିନ୍ଧିଥିବା ନଜର ଆସୁଛନ୍ତି। ଏଥିସହ ତୃତୀୟ ଲିଙ୍ଗ ସମର୍ଥନରେ ଚଳାଇଥିବା କ୍ୟାମ୍ପେନ ପାଇଁ ସେ ଅକ୍ଷୟଙ୍କୁ ପ୍ରଶଂସା ମଧ୍ୟ କରିଛନ୍ତି।
କ୍ୟାପଶନରେ ସିଦ୍ଧାର୍ଥ ଲେଖିଛନ୍ତି, ବାସ୍ତବରେ ଅକ୍କି ସାର୍ ଆରମ୍ଭ କରିଥିବା ପଦକ୍ଷେପକୁ ପ୍ରଶଂସା କରିବା ଉଚିତ୍। ଆମକୁ ଏକ ପାଦ ଆଗକୁ ଦେବାକୁ ଏବଂ ତୃତୀୟ ଲିଙ୍ଗପ୍ରତି ପ୍ରେମ ଏବଂ ସେମାନଙ୍କୁ ସମର୍ଥନ ଦେଖାଇବା ଆବଶ୍ୟକ ବୋଲି ସେ ଲେଖିଛନ୍ତି।
