ମୁମ୍ବାଇ,୨।୧୨: ଲୋକପ୍ରିୟ ବଲିଉଡ୍ ଗାୟକ ଜୁବିନ ନୌଟିୟାଲଙ୍କ ପ୍ରଶଂସକଙ୍କ ପାଇଁ ଏକ ଦୁଃଖଦ ଖବର। ଗୁରୁବାର ନିଜ ଘରର ଶିଢ଼ିରୁ ପଡ଼ିବା ପରେ ଜୁବିନଙ୍କୁ ଜୋରରେ ଆଘାତ ଲାଗିଛି। ତାଙ୍କୁ ମୁମ୍ବାଇର ଏକ ଡାକ୍ତରଖାନାରେ ଭର୍ତ୍ତି କରାଯାଇଛି। ସେଠାରେ ତାଙ୍କର ଚିକିତ୍ସା ଚାଲିଛି। ଜୁବିନଙ୍କ ହାତର କୋହୁଣି ଭାଙ୍ଗିଯାଇଥିବା ବେଳେ ପାଟି ଏବଂ ମୁଣ୍ଡରେ ଆଘାତ ଲାଗିଛି। ତାଙ୍କ ଡାହାଣ ହାତ ଅପରେଶନ୍ ହେବ ବୋଲି ଜଣାପଡିଛି। ଏହି ଖବର ସାମ୍ନାକୁ ଆସିବା ପରେ ତାଙ୍କ ପ୍ରଶଂସକମାନେ ଚିନ୍ତା ପ୍ରକଟ କରିଛନ୍ତି। ଏଥିସହ ସୋସିଆଲ ମିଡିଆରେ ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି। ନିଜର ସୁମଧୁର କଣ୍ଠ ଦ୍ୱାରା ଜୁବିନ ଲକ୍ଷ ଲକ୍ଷ ପ୍ରଶଂସକଙ୍କ ହୃଦୟରେ ରାଜ କରନ୍ତି।