ମୁମ୍ବାଇ: ବଲିଉଡ୍ ନାୟିକା ଉର୍ବଶୀ ରୌତେଲାଙ୍କ ବିବାହକୁ ନେଇ ଏବେ ଚର୍ଚ୍ଚା ଯୋର ଧରିଛି। ନିଜର ହଟ୍ ଅନ୍ଦାଜକୁ ନେଇ ଦର୍ଶକଙ୍କ ଦୃଷ୍ଟି ଆକର୍ଷଣ କରୁଥିବା ଏହି ନାୟିକା ବିଗ୍ ବସ୍ ୮ର ଓ୍ବିନର ଗୌତମ ଗୁଲାଟିଙ୍କୁ ବିବାହ କରିଥିବା ସୋସିଆଲ ମିଡିଆରେ ଆଲୋଚନା ହେଉଛି। କାରଣ ନିକଟରେ ଏମିତି ଏକ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯେଉଁଥିରେ ଉର୍ବଶୀ ଲାଲ ଲେହେଙ୍ଗା ପିନ୍ଧିଥିବା ସହ ବଧୂ ବେଶରେ ସଜେଇ ହୋଇଛନ୍ତି ଓ ଗୌତମ କ୍ରିମ କଲର ସେରଓ୍ବାନିରେ ସାତ ଫେରା ନେଉଛନ୍ତି। ହେଲେ ଏହି ଫଟୋ ଶେୟାର କରି ଗୌତମ ଲେଖିଛନ୍ତି ବିବାହର ଶୁଭକାମନା ଦେବେନାହିଁ। ଏହା ଦେଖିବା ପରେ ଉର୍ବଶୀଙ୍କ ପ୍ରଶଂସକ ଚକିତ ହୋଇଯାଇଛନ୍ତି। ଗୌତମ-ଉର୍ବଶୀ ବିବାହ ତ କରିବେ। ହେଲେ ଏହି ଫଟୋଟି ହେଉଛି ତାଙ୍କ ଅଭିନୀତ ଫିଲ୍ମର। ଯାହା ରିୟଲ ନୁହେଁ ରିଲ୍ ଲାଇଫର। ଭର୍ଜିନ ଭାନୁପ୍ରିୟାରେ ଉଭୟ ନଜର ଆସୁଥିବା ବେଳେ ଗୌତମ ଫିଲ୍ମର ପ୍ରମୋଶନ ପାଇଁ ଏହି ଫଟୋଟି ଶେୟାର କରିଥିବା ସ୍ପଷ୍ଟ କରିଛନ୍ତି।