ବଲିଉଡ୍ ଅଭିନେତା ବିବେକ ଓବରୟ ସୋସିଆଲ ମିଡିଆରେ ବହୁତ ସକ୍ରିୟ। ସବୁ ସମୟରେ ସେ ନିଜର ଫଟୋ ଏବଂ ଭିଡିଓ ଶେୟାର କରି ଚର୍ଚ୍ଚାରେ କରିଥାନ୍ତି। ଏବେ ଅଭିନେତା ଏମିତି ଏକ ଭିଡିଓ ଶେୟାର କରିଛନ୍ତି, ଯାହାକି ଖୁବ୍ ଭାଇରାଲ ହେବାରେ ଲାଗିଛି।
ଭିଡିଓରେ ବିବେକ ଖାଇବା ଟେବୁଲ ଉପରେ ଅପେକ୍ଷା କରି ବସିଛନ୍ତି। ଜଣେ ଓ୍ବେଟରଙ୍କୁ ଡାକି ଅମଲେଟ ଆଣିବାକୁ ଆଦେଶ ଦେଉଛନ୍ତି। ମାତ୍ର ଓ୍ବେଟର ଏକ ଧଳା ନାପ୍କିନ୍ରେ ହେଲମେଟକୁ ଘୋଡାଇ ଆଣି ତାଙ୍କ ସାମ୍ନାରେ ଥୋଇ ଦେଉଛନ୍ତି। ଏହି ଭିଡିଓକୁ ଶେୟାରକରି ବିବେକ କ୍ୟାପଶନରେ ଲେଖିଛନ୍ତି, ମୁଣ୍ଡକୁ ଓମ୍ଲେଟ ହେବାରୁ ରଖା କରିବାକୁ ଚାହୁଁଥିଲେ, ସବୁବେଳେ ହେଲମେଟ୍ ପିନ୍ଧନ୍ତୁ। ଏହି ପୋଷ୍ଟ ସାଙ୍ଗକୁ ଜାତୀୟ ସୁରକ୍ଷା ଦିସବ, ସଡ଼କ ସୁରକ୍ଷା, ରୋଡ ସୁରକ୍ଷା ଆଦି ହାସ୍ ଟ୍ୟାଗ୍ ଦେଇଛନ୍ତି।
ପ୍ରକାଶ ଯେ, ନିକଟରେ ବିବେକଙ୍କର ଏକ ଭିଡିଓ ଭାଇରାଲ ହୋଇଥିଲା, ଯେଉଁଥିରେ ତାଙ୍କୁ ବିନା ହେଲମେଟ ଏବଂ ମାସ୍କରେ ଦେଖିବାକୁ ମିଳିଥିଲା। ଏହା ଅଭିନେତାଙ୍କୁ ଖୁବ୍ ମହଙ୍ଗା ପଡ଼ିତିଲା। ଏ ନେଇ ମୁମ୍ବାଇ ପୋଲିସ ତାଙ୍କ ଉପରେ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରିଥିଲା।