ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ଘଟଣା ଧୀରେ ଧୀରେ ଜଟିଳ ହେବାରେ ଲାଗିଛି। ଗର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କ ନାମରେ ସୁଶାନ୍ତଙ୍କ ପିତା ବିହାର ଥାନାରେ ଅଭିଯୋଗ କରିବା ପରଠାରୁ ଏହି ମାମଲା ଅଧିକ ଜଟିଳ ହୋଇଯାଇଛି। ଏହି ମାମଲାରେ ପ୍ରତିଦିନ ନୂଆ ନୂଆ ଖୁଲାସା କରାଯାଉଛି। ତେବେ ଏହି ମାମଲାର ସମସ୍ତ ରାଜ୍ ଖୋଲିପାରିବେ ସିଦ୍ଧାର୍ଥ ପିଠାନୀ। ଯିଏକି ସୁଶାନ୍ତଙ୍କ ରୁମ୍ମେଣ୍ଟ ଥିଲେ।
ରିୟା ସୁପ୍ରିମକୋର୍ଟରେ ଦାଖଲ କରିଥିବା ଯାଚିକାରେ ମାନିଛନ୍ତି ଯେ, ମୁଁ ସୁଶାନ୍ତଙ୍କ ସହ ଲିଭ୍ ଇନ୍ ରିଲେସନଶିପ୍ରେ ଥିଲି। ସେ ସବୁବେଳେ ଡିପ୍ରେସନ୍ରେ ରହୁଥିଲେ। ତାଙ୍କ ପିତା ମୋ ନାଁରେ ଯେଉଁ ଅଭିଯୋଗ କରିଛନ୍ତି ତା ସମ୍ପୂର୍ଣ୍ଣ ରୂପେ ମିଥ୍ୟା। ଏଥିସହ ସୁଶାନ୍ତଙ୍କ ଭିଣୋଇ ଓପି ସିଂ ସୁଶାନ୍ତଙ୍କ ଜଣେ ବନ୍ଧୁ ସିଦ୍ଧାର୍ଥ ପିଠାନୀଙ୍କୁ ମୋ ବିଷୟରେ କହିବା ପାଇଁ ଚାପ ପକାଇଥିଲେ। ସେ କହିଛନ୍ତି ଯେ, ସିଦ୍ଧାର୍ଥ ଏହି ଘଟଣା ସମ୍ପର୍କରେ ମୁମ୍ବାଇ ପୋଲିସକୁ ଏକ ଇ-ମେଲ ଲେଖିଥିଲେ। ଯେଉଁଥିରେ ସେ ଜୁଲାଇ ୨୨ରେ ସୁଶାନ୍ତଙ୍କ ଭିଣୋଇ ଏବଂ ଉଭଣୀ ନୀତୁ ସିଂଙ୍କ ଦ୍ୱାରା ଏକ କନଫରେନ୍ସ ଫୋନ୍କରି ରିଆ ଏବଂ ତାଙ୍କ ଖର୍ଚ୍ଚ ବିଷୟରେ ସୂଚନା ଦେଇଥିଲେ।