ଦେଶରେ କରୋନାର ସବୁଠାରୁ ବଡ଼ ପ୍ରଭାବ ସିନେମା ଉପରେ ପଡ଼ିଛି। ପ୍ରତିବର୍ଷ ଦୀପାବଳି ଅବସରରେ ପ୍ରାୟତଃ ଫିଲ୍ମ ରିଲିଜ ପାଇଁ ନିର୍ମାତାଙ୍କ ମଧ୍ୟରେ ଯୁଦ୍ଧ ଲାଗିଯାଇଥାଏ। କିନ୍ତୁ ଚଳିତବର୍ଷ ଥିଏଟରଗୁଡିକ ଖାଲି ପଡ଼ିଛି। ଏଭଳି ପରିସ୍ଥିତିରେ ଦର୍ଶକଙ୍କୁ ସିନେମା ହଲ୍ ଆଡକୁ ମୁହାଁଇବା ପାଇଁ ୟଶ୍ରାଜ୍ ଫିଲ୍ମସ୍ ଏକ ବଡ଼ ପଦକ୍ଷେପ ନେଇଛି। ଦୀପାବଳି ଅବସରରେ ଓ୍ବାଇଆର୍ଏଫ୍ ପିଭିଆର୍, ଆଇନକ୍ସ ଏବଂ ସିନେପଲିସ ପ୍ରେକ୍ଷାଳୟରେ ତାର ବହୁ ଚର୍ଚ୍ଚିତ ଫିଲ୍ମକୁ ପ୍ରଦର୍ଶିତ କରିବା ପାଇଁ ଅନୁମତି ଦେଇଛି। ଏହାର ସବୁଠାରୁ ବଡ଼ ଫାଇଦା ଦର୍ଶକଙ୍କୁ ମିଳିବ।
ଲକ୍ଡାଉନ୍ ପରେ ଅନ୍ଲକ୍ ପ୍ରକ୍ରିୟା ଆରମ୍ଭ ହୋଇଯାଇଛି। ଅକ୍ଟୋବର ୧୫ରୁ ସମଗ୍ର ଦେଶରେ ସିନେମାହଲ୍ ଖୋଲିଯାଇଛି। ଏହାପରେ ମଧ୍ୟ ସିନେମା ହଲ୍ ଖାଲି ପଡ଼ିଛି। ଅର୍ଥାତ୍ ବର୍ତ୍ତମାନ ପର୍ଯ୍ୟନ୍ତ କୌଣସି ଫିଲ୍ମ ହଲ୍ରେ ରିଲିଜ୍ ପାଇଁ ରେଡି ହୋଇ ନାହିଁ। ମହାରାଷ୍ଟ୍ରରେ ନଭେମ୍ବର ୫ରୁ ହଲ୍ଗୁଡିକ ଖୋଲିଛି। ୟଶରାଜ ଫିଲ୍ମ ନିଜର ସୁପରହିଟ୍ ଫିଲ୍ମ ଭୀର ଜାରା, ସୁଲ୍ତାନ, ମରଦାନୀ, ରବ୍ ନେ ବନା ଦି ଯୋଡି, ଏକ୍ ଥା ଟାଇଗର, ଜବ୍ ତକ୍ ହୈ ଜାନ୍, ବ୍ୟାଣ୍ଡ ବାଜା ବାରାତ ଆଦି ଫିଲ୍ମକୁ ହଲ୍ରେ ପୁଣିଥରେ ପ୍ରଦର୍ଶିତ ପାଇଁ ଅନୁମତି ମିଳିଛି।
ସୂଚନା ଅନୁଯାୟୀ, ନଭେମ୍ବର ୧୨ରୁ ୧୯ ମଧ୍ୟରେ ଏହି ସମସ୍ତ ଫିଲ୍ମ ପ୍ରଦର୍ଶିତ ହେବ। ଏଥିପାଇଁ ଦର୍ଶକଙ୍କୁ ମାତ୍ର ୫୦ ଟଙ୍କା ଦେବାକୁ ପଡ଼ିବ ବୋଲି ଜଣାପଡ଼ିଛି।