ମୁମ୍ବାଇ: ବଲିଉଡ ପରେ ସରକାର ଓଟିଟି ପ୍ଲାଟଫର୍ମ ଉପରେ ତୀକ୍ଷ୍ଣ ନଜର ରଖିଛନ୍ତି। ନିକଟରେ, ଆମାଜନ ପ୍ରାଇମରେ ମୁକ୍ତିଲାଭ କରିଥିବା ତାଣ୍ଡବ ୱେବ ସିରିଜକୁ ବିବାଦ ପରେ ଏହା ମାର୍ଚ୍ଚ ୮ରେ ନେଟଫ୍ଲିକ୍ସରେ ରିଲିଜ୍ ହୋଇଥିବା ‘ବମ୍ବେ ବେଗମ’କୁ ନେଇ ଚର୍ଚ୍ଚା ଚାଲିଛି। ନିକଟରେ ‘ବମ୍ବେ ବେଗମ’ର କିଛି ଦୃଶ୍ୟ ଏବଂ ଏହାର ବିଷୟବସ୍ତୁ ମୁକ୍ତିଲାଭ କରିଥିଲା। ଏହାକୁ ନେଇ ଆପତ୍ତି ଉଠିଛି। ଏହା ଉପରେ ରାଷ୍ଟ୍ରିୟ ଶିଶୁ ଅଧିକାର ସଂରକ୍ଷଣ ଆୟୋଗ ପକ୍ଷରୁ ନୋଟିସ ଦିଆଯାଇଥିଲା। ନେଟଫ୍ଲିକ୍ସକୁ ୨୪ ଘଣ୍ଟା ମଧ୍ୟରେ ଏକ ରିପୋର୍ଟ ଦାଖଲ କରିବାକୁ ନୋଟିସରେ କୁହାଯାଇଛି। ଏହି ୱେବ ସିରିଜର ଷ୍ଟ୍ରିମିଂ ବନ୍ଦ କରିବାକୁ ଦାବି କରିଛି।
ଅଭିଯୋଗ ମୁତାବକ ଯେ ଏଥିରେ ଜଣେ ୧୩ ବର୍ଷର ବାଳିକା ନିଶା ସେବନ କରୁଥିବା ସହ ନାବାଳିକାମାନେ କାଜୁଆଲ ସେକ୍ସ କରୁଥିବା ଦେଖାଯାଇଛି। ଏହା ସହିତ ସ୍କୁଲ ପିଲାମାନଙ୍କୁ ଯେଉଁଭଳି ଭାବେ ଚିତ୍ରିତ କରାଯାଇଛି, ସେଥିରେ ଆପତ୍ତି ମଧ୍ୟ ଉଠିଛି। ଅଭିଯୋଗରେ ଅନୁପଯୁକ୍ତ ଚିତ୍ରଣକୁ ବିରୋଧ କରୁଥିବାବେଳେ ଏହି ପ୍ରକାର ବିଷୟବସ୍ତୁ କେବଳ ଯୁବକମାନଙ୍କ ମନକୁ ପ୍ରଭାବିତ କରିବ ନାହିଁ, ବରଂ ଏହା ଶିଶୁଙ୍କ ପ୍ରତି ଅତ୍ୟାଚାର ଏବଂ ଶୋଷଣର କାରଣ ହୋଇପାରେ।
ନିର୍ଦ୍ଦେଶକ ଅଳଙ୍କୃତା ଶ୍ରୀବାସ୍ତବଙ୍କ ୱେବ ସିରିଜ ‘ବମ୍ବେ ବେଗମ’ରେ ପାଞ୍ଚଜଣ ଭିନ୍ନ ଭିନ୍ନ ମହିଳାଙ୍କ କାହାଣୀ ଦର୍ଶାଇଛି। ଏହି ସିରିଜରେ ପୂଜା ଭଟ୍ଟଙ୍କ ବ୍ୟତୀତ ସୁହାନା ଗୋସ୍ବାମୀ, ଅମୃତା ସୁଭାଷ, ପ୍ଲାବିତା ବୋର-ଠାକୁର, ଆଧ୍ୟା ଆନନ୍ଦ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି।
