ନିଶ୍ଚିନ୍ତକୋଇଲି,୧୭।୧୧: (ସ୍ବ.ପ୍ର): କଟକ ଜିଲା ସାଲେପୁର ଥାନା ଅଧିନସ୍ଥ ରାମକୃଷ୍ଣପୁର ପଞ୍ଚାୟତ ପଟପରୀ ଗ୍ରାମରେ ବୋମାମାଡ ହୋଇଛି। ବୁଧବାର ଭୋରୁ ଅଶୋକ ସାମଲଙ୍କ ଘରେ ବୋମାମାଡ ହୋଇଥିବା ତାଙ୍କ ପୁତୁରା ରମେଶ ଚନ୍ଦ୍ର ଥାନାରେ ଅଭିଯୋଗ କରିଛନ୍ତି। ଏହି ବୋମାମାଡ଼ରେ ତାଙ୍କ ଘରର କାନ୍ଥ କ୍ଷୟକ୍ଷତି ହୋଇଥିବା ସହ କାରର ଅଧିକାଂଶ ଅଂଶ ନଷ୍ଟ ହୋଇଯାଇଛି। ଅଶୋକ ଘରେ ଅନୁପସ୍ଥିତ ଥିବା ସମୟରେ ଏହାର ସୁଯୋଗ ନେଇ ଦୁର୍ବୃତ୍ତମାନେ ଏଭଳି ଘଟଣା ଘଟାଇ ଥିବାର ଆଶଙ୍କା କରାଯାଉଛି। ଏହି ବୋମାମାଡର ଉଦ୍ଦେଶ୍ୟ ସ୍ପଷ୍ଟହୋଇ ନ ଥିବାବେଳେ ଘଟଣାସ୍ଥଳରେ ସାଲେପୁର ପୋଲିସ ଟିମ୍ ପହଞ୍ଚି ଛାନଭିନ ଜାରି ରଖିଛି।