ବେଙ୍ଗାଲୁରୁ,୧୫।୪ : କର୍ନାଟକ ମୁଖ୍ୟମନ୍ତ୍ରୀ ବାସଭରାଜ ବୋମ୍ମାଇ ଶନିବାର ମେ ’୧୦ରେ ରାଜ୍ୟରେ ହେବାକୁଥିବା ବିଧାନସଭା ନିର୍ବାଚନ ପାଇଁ ଶିଗଗାଓଁ ଆସନରୁ ଭଜପା ପ୍ରାର୍ଥୀ ଭାବରେ ନାମାଙ୍କନପତ୍ର ଦାଖଲ କରିଛନ୍ତି। ସର୍ବାଧିକ ଭୋଟ ସହ ପୁଣି ନିର୍ବାଚିତ ହେବାକୁ ସେ ଆତ୍ମବିଶ୍ୱାସ ପ୍ରକାଶ କରିଛନ୍ତି।
ବୋମ୍ମାଇଙ୍କ ସହ ଜନସମ୍ପର୍କ ମନ୍ତ୍ରୀ ସିସି ପାଟିଲ, ହାଭେରୀ ଗଡାଗ ଏମ୍ପି ଶିବକୁମାର ଉଦାସୀ ଏବଂ ପୁଅ ଭରତ ବୋମ୍ମାଇ ମଧ୍ୟ ଉପସ୍ଥିତ ଥିଲେ। ନାମାଙ୍କନ ଦାଖଲ କରିବା ପୂର୍ବରୁ ସେ ଶିଗଗାଓଁର ଧାମବ୍ବା ଦେବୀ ମନ୍ଦିରରେ ପୂଜାର୍ଚ୍ଚନା କରିଥିଲେ। ଶିଗଗାଓଁ ବିଧାନସଭା ନିର୍ବାଚନମଣ୍ଡଳୀରୁ ରିଟର୍ଣ୍ଣିଂ ଅଫିସରଙ୍କ ନିକଟରେ ଦାଖଲ କରିଥିବା ତାଙ୍କ ସତ୍ୟପାଠରେ ସେ ନିଜ ନାମରେ ୪୯.୭୦ କୋଟି ଟଙ୍କାର ସମ୍ପତ୍ତି ଥିବା ଉଲ୍ଲେଖ କରିଛନ୍ତି।
ପୁଞ୍ଜି ନିବେଶ ବିବରଣୀରୁ ଜଣାପଡିଛି, ତାଙ୍କର ୫,୯୮କୋଟି ଟଙ୍କା ମୂଲ୍ୟର ଚଳ ସମ୍ପତ୍ତି ଥିବାବେଳେ ସେ ହିନ୍ଦୁ ଅବିଭକ୍ତ ପରିବାରରୁ ୧,୫୭ କୋଟି ଟଙ୍କା ପାଇଛନ୍ତି। ତାଙ୍କ ସ୍ତ୍ରୀ ଚନ୍ନମା ୧.୧୪ କୋଟି ଟଙ୍କା ଏବଂ ଝିଅ ଆଦିତି ୧.୧୪ କୋଟି ଟଙ୍କା ନିବେଶ କରିଛନ୍ତି। ତାଙ୍କର ୪୨,୧୫ କୋଟି ଟଙ୍କା ମୂଲ୍ୟର ଅସ୍ଥାବର ସମ୍ପତ୍ତି ରହିଛି, ଯେଉଁଥିରେ ୧୯.୨ କୋଟି ଟଙ୍କା ମୂଲ୍ୟର ହିନ୍ଦୁ ଅବିଭାଜିତ ପରିବାର ସମ୍ପତ୍ତି ରହିଛି। ବୋମ୍ମାଇଙ୍କ ପାଖରେ ୫.୭୯ କୋଟି ଟଙ୍କାର ନଗଦ ରହିଛି।