ବେଙ୍ଗାଲୁରୁ,୨୩।୪ : କର୍ଣ୍ଣାଟକ ମୁଖ୍ୟମନ୍ତ୍ରୀ ବାସଭରାଜ ବୋମ୍ମାଇ କଂଗ୍ରେସ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କୁ ଟାର୍ଗେଟ କରିଛନ୍ତି। ସିଦ୍ଧରମୈୟା ଏକ ବିବୃତ୍ତି ଦେଇଥିଲେ। ଯାହାକୁ ନେଇ ବିବାଦ ଦେଖାଦେଇଛି। ଯେତେବେଳେ ମୁଖ୍ୟମନ୍ତ୍ରୀ ବୋମ୍ମାଇଙ୍କୁ ଏହି ବିଷୟରେ ପଚରାଯାଇଥିଲା ସେତେବେଳେ ସେ କହିଥିଲେ, ଜଣେ ପୂର୍ବତନ ମୁଖ୍ୟମନ୍ତ୍ରୀଙ୍କ ଏପରି ବିବୃତ୍ତି କରିବା ଠିକ ନୁହେଁ। ସେ କହୁଛନ୍ତି ସମଗ୍ର ଲିଙ୍ଗାୟତ ସମ୍ପ୍ରଦାୟ ଦୁର୍ନୀତିଗ୍ରସ୍ତ। ଅତୀତରେ ବ୍ରାହ୍ମଣମାନଙ୍କୁ ମଧ୍ୟ ଅପମାନିତ କରାଯାଇଥିଲା। ଏହାପୂର୍ବରୁ ସେ ଯେତେବେଳେ ମୁଖ୍ୟମନ୍ତ୍ରୀ ଥିଲେ, ସେ ଲିଙ୍ଗାୟତ ଏବଂ ଭେରାଶାୟା ସମ୍ପ୍ରଦାୟକୁ ଭାଙ୍ଗିବାକୁ ଚେଷ୍ଟା କରିଥିଲେ। ରାଜ୍ୟବାସୀ ତାଙ୍କୁ ଏକ ଉଚିତ ଶିକ୍ଷା ଦେବେ।
ଲିଙ୍ଗାୟତ ସମ୍ପ୍ରଦାୟର ଜଣେ ବ୍ୟକ୍ତି ମୁଖ୍ୟମନ୍ତ୍ରୀ ହେବା ବିଷୟରେ ସିଦ୍ଧରମୈୟାଙ୍କୁ ପଚରାଯାଇଥିଲା, ସେ କହିଥିଲେ, ଲିଙ୍ଗାୟତ ସମ୍ପ୍ରଦାୟର ପୂର୍ବରୁ ମୁଖ୍ୟମନ୍ତ୍ରୀ ଅଛନ୍ତି। କିନ୍ତୁ ସେମାନେ ସମସ୍ତ ଦୁର୍ନୀତିର ମୂଳ ଅଟନ୍ତି। ଏହାକୁ ନେଇ ଭାଜପା ସିଦ୍ଧରମୈୟାଙ୍କୁ ଘେରି ଏହାକୁ ସମଗ୍ର ଲିଙ୍ଗାୟତ ସମ୍ପ୍ରଦାୟ ପାଇଁ ଅପମାନ ବୋଲି କହିଛି। ତେବେ ସିଦ୍ଧରମୈୟା ସ୍ପଷ୍ଟ କରିଛନ୍ତି, ସେ ବେମ୍ମୋଇଙ୍କ ବିଷୟରେ ମନ୍ତବ୍ୟ ଦେଇଛନ୍ତି । ମାତ୍ର ତାଙ୍କ ମନ୍ତବ୍ୟର ଭିନ୍ନ ଅର୍ଥ ବାହାର କରାଯାଇ ଏହାକୁ ବିକୃତ କରାଯାଉଛି।
