ଇଂଲଣ୍ଡ: ବୁକର୍ ପୁରସ୍କାର ବିଜୟିନୀ ହିଲାରି ମାଣ୍ଟେଲ୍ଙ୍କ ବିୟୋଗ ଗୁରୁବାର ଇଂଲଣ୍ଡରେ ଥିବା ତାଙ୍କ ବାସଭବନରେ ହୋଇଛି। ମୃତ୍ୟୁବେଳକୁ ତାଙ୍କୁ ୭୦ ବର୍ଷ ହୋଇଥିଲା। ବହୁଲୋକପ୍ରୀୟ ପୁସ୍ତକ ‘ଓଲ୍ଫ ହଲ୍’ର ଲେଖିକା ହେଉଛନ୍ତି ହିଲାରି। ଉଚ୍ଚକୋଟିର ଲେଖନୀ ପାଇଁ ସେ ଦୁଇଥର ବୁକର ପୁରସ୍କରରେ ପୁରସ୍କୃତ ହୋଇଛନ୍ତି। ଓଲ୍ଫ ହଲ୍ ପାଇଁ ତାଙ୍କୁ ୨୦୦୯ରେ ଏବଂ ୨୦୧୨ରେ ଫଲୋ-ଅପ୍ ବ୍ରିଙ୍ଗ୍ ଅପ୍ ପାଇଁ ମଧ୍ୟ ତାଙ୍କୁ ବୁକର ସମ୍ମାନରେ ସମ୍ମାନିତ କରାଯାଇଥିଲା। ‘ଓଲ୍ଫ ହଲ୍’ ଉପନ୍ୟାସର ନିସ୍କର୍ଷକୁ ସେ ‘ଦ ମିରର୍ ଆଣ୍ଡ୍ ଲାଇଟ୍’ରେ ଲେଖିଥିଲେ, ଯାହା ୨୦୨୦ରେ ପ୍ରକାଶଲାଭ କରିଥିଲା। ବୁକର ପ୍ରାଇଜ୍ ପାଇଁ ଏହି ପୁସ୍ତକ ମନୋନୀତ କରାଯାଇଥିବାବେଳେ ପରବର୍ତ୍ତୀ ସମୟରେ ‘ଦ ମିରର ଆଣ୍ଡ ଲାଇଟ୍’କୁ ଓ୍ବାଲଟର ସ୍କଟ୍ ପ୍ରାଇଜ୍ ପ୍ରଦାନ କରାଯାଇଥିଲା।