ନୂଆଦିଲ୍ଲୀ, ୧୦।୪ : ଦେଶରେ ବୃଦ୍ଧି ପାଉଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ଦେଶରେ ୧୮ ବର୍ଷରୁ ଅଧିକ ବୟସ୍କଙ୍କୁ କରୋନା ଟିକାର ତୃତୀୟ ଡୋଜ ଭାବେ ବୁଷ୍ଟର ଡୋଜ୍ ପ୍ରଦାନ ରବିବାରଠାରୁ ଆରମ୍ଭ ହୋଇଛି। ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏହାକୁ ପ୍ରତିଷେଧକ ଡୋଜ( ପ୍ରିକ୍ୱେଶନ ଡୋଜ) ଭାବେ ନାମିତ କରାଯାଇଛି। ଏସମ୍ପର୍କରେ କେନ୍ଦ୍ରୀୟ ସ୍ବାସ୍ଥ୍ୟମନ୍ତ୍ରୀ ମନସୁଖ ମାଣ୍ଡବ୍ୟ କହିଛନ୍ତିି ଯେ, ଏହି ବୁଷ୍ଟର ଡୋଜ୍ ଆବଶ୍ୟକ ଫି ପୈଠ କରି ଲୋକେ ଘରୋଇ ହସ୍ପିଟାଲରୁ ନେଇ ପାରିବେ।
ଦେଶରେ କରୋନା ମହାମାରୀର ଏକ୍ଇ ଭାରିଆଣ୍ଟ୍ ସଂକ୍ରମଣ ବୃଦ୍ଦି ପାଉଥିବାରୁ ସୁରକ୍ଷା ଦୃଷ୍ଟିରୁ ବୁଷ୍ଟର ଡୋଜ୍ ଜରୁରୀ। ସ୍ବାସ୍ଥ୍ୟକର୍ମୀ ଏବଂ ୬୦ ବୟସରୁ ଅଧିକ ବୟସ୍କଙ୍କୁ ଏହା ମାଗଣାରେ ଦିଆଯିବ। ମାତ୍ର ଅନ୍ୟମାନଙ୍କୁ ଏଥିପାଇଁ ଆବଶ୍ୟକ ଦେୟ ପୈଠ କରିବାକୁ ପଡ଼ିବ। ଏହା ଘରୋଇ ହସ୍ପିଟାଲରେ ଉପଲବ୍ଧ ହେବ। ୧୮ ବୟସରୁ ଅଧିକ ବୟସ୍କ ଯେଉଁମାନେ ୯ ମାସ ତଳେ ଦ୍ୱିତୀୟ ଡୋଜ ନେଇଛନ୍ତି ସେମାନେ ତୃତୀୟ ଡୋଜ ଭାବେ ବୁଷ୍ଟର ନେଇ ପାରିବେ। ଉଭୟ କୋଭିଶିଲ୍ଡ ଏବଂ କୋଭାକ୍ସିନ ପ୍ରତିଷେଧକ ଡୋଜ ବା ବୁଷ୍ଟର ଡୋଜ ଦାମ ଘରୋଇ ହସ୍ପିଟାଲରେ ୨୨୫ ଟଙ୍କାରେ ମିଳିବ। ଏହା ଉପରେ ୧୫୦ ଟଙ୍କାର ସର୍ଭିସ ଚାର୍ଜ ମଧ୍ୟ ରହିବ।
