ବୁଟ୍କଟ୍ ଜିନ୍ସର ଟ୍ରେଣ୍ଡ ଏବେ ପୁଣିଥରେ ଫେରି ଆସିଛି, ଯାହାକୁ ଯୁବପିଢି ଖୁବ୍ ପସନ୍ଦ କରୁଛନ୍ତି। ଏହି ଟାଇପ୍ର ଜିନ୍ସ ସାଧାରଣତଃ ଅଣ୍ଟାଠୁ ଆଣ୍ଠୁ ପର୍ଯ୍ୟନ୍ତ ଫିଟିଙ୍ଗ୍ ହୋଇ ରହୁଥିବା ବେଳେ ଆଣ୍ଠୁରୁ ତଳ ଆଡକୁ ଢିଲା ରହିଥାଏ। ତେବେ ଏହି ଜିନ୍ସ ସହ କେଉଁ ଟାଇପ୍ର ଟପ୍ସ ପିନ୍ଧିଲେ ଲୁକ୍ ଅଧିକ ଷ୍ଟାଇଲିଶ୍ ଲାଗିବ ଜାଣନ୍ତୁ ସେ ସମ୍ପର୍କରେ…
* ଫୁଲ୍ ସ୍ଲିଭ୍ ଟପ୍ସ: ଯୁବତୀ ଚାହିଁଲେ ନିଜ ମନପସନ୍ଦର ଯେ କୌଣସି ରଙ୍ଗର ଫୁଲ୍ ସ୍ଲିଭ୍ ଟପ୍ସକୁ ବୁଟ୍କଟ୍ ଜିନ୍ସ ସହ କ୍ୟାରି କରିପାରିବେ। ଏହା ତାଙ୍କୁ ଏକ ଡିଫରେଣ୍ଟ ଲୁକ୍ ଦେବ। ଏହି ଗେଟ୍ଅପ୍ ସାଙ୍ଗକୁ ଇୟର ରିଂ ବି ପିନ୍ଧିଲେ ବେଶ୍ ଭଲ ମାନିବ। ଲଞ୍ଚ ଡେଟ୍ ପାଇଁ ଏହା ଏକ ପରଫେକ୍ଟ ଆଉଟ୍ଫିଟ୍ ହୋଇଥାଏ।
* ଅଫ୍ ସୋଲ୍ଡର ଟପ୍ସ: ପାର୍ଟି, ଫଙ୍କସନ୍କୁ ଯିବାର ଥିଲେ ବୁଟ୍କଟ୍ ଜିନ୍ସ ସହ ଯୁବତୀ ଚାହିଁଲେ ଏହି ଟାଇପ୍ର ଟପ୍ସକୁ ପିନ୍ଧି ଆଟ୍ରାକ୍ଟିଭ୍ ଲୁକ୍ ପାଇପାରିବେ। ଏହାସହିତ ହାଇହିଲ୍ ଓ ଲାଇଟ୍ ମେକ୍ଅପ୍ ବେଶ୍ ସୁନ୍ଦର ଲାଗିଥାଏ।
* କ୍ରପ୍ ହଲ୍ଟର ନେକ୍: ଏହି ଟାଇପ୍ର ଟପ୍ସ ଆକର୍ଷଣୀୟ ଲୁକ୍ ଦେଇଥାଏ। ଖାସ୍କରି ବୁଟ୍କଟ୍ ଜିନ୍ସ ସହ ଉଭୟ ଡାର୍କ ହେଉକି ଲାଇଟ୍ କଲର୍ର କ୍ରପ୍ ହଲ୍ଟର ନେକ୍ବାଲା ଟପ୍ସ ବେଶ୍ ଭଲ ମ୍ୟାଚ୍ କରିଥାଏ। ତେବେ ଏହି ଲୁକ୍କୁ କମ୍ପ୍ଲିଟ୍ କରିବା ପାଇଁ ଯୁବତୀ ଚାହିଁଲେ ନିଜ କେଶକୁ ହାଇ ପିନ୍ ଦ୍ୱାରା ଉପରକୁ ଟେକି ବାନ୍ଧିପାରିବେ। ତା’ସହିତ ଛୋଟ ହୁପ୍ସ ଇୟରରିଂ ଏବଂ ନ୍ୟୁଡ୍ ଲିପ୍ଷ୍ଟିକ୍ ବି ଲଗାଇପାରିବେ।
* ଟି-ଶାର୍ଟ: ଏହା ଯୁବତୀଙ୍କୁ କୁଲ୍ ଲୁକ୍ ଦେଇଥାଏ। ବିଶେଷକରି ଡେ ଆଉଟିଂରେ ଗଲାବେଳେ ବୁଟ୍କଟ୍ ଜିନ୍ସ ସହ ଟି-ଶାର୍ଟକୁ ପେୟାର୍ କରି ପିନ୍ଧିଲେ ଲୁକ୍ ବେଶ୍ ସ୍ମାର୍ଟ ଲାଗିଥାଏ। ତେବେ ଏହି ଗେଟ୍ଅପ୍ରେ କେଶକୁ ଖୋଲା ଛାଡ଼ିପାରିବେ ନଚେତ୍ ହାଇ ପୋନିଟେଲ୍ ବି କରିପାରିବେ।
* ଫୁଲ୍-ସ୍ଲିଭ୍ ଶାର୍ଟ: ବୁଟ୍କଟ୍ ଜିନ୍ସ ସହ ଫୁଲ୍ ସ୍ଲିଭ୍ ଶାର୍ଟ ପିନ୍ଧିଲେ କାଜୁଆଲ୍ ଲୁକ୍ ମିଳିଥାଏ। ଖାସ୍ କରି ଲାଇଟ୍ କଲର୍ର ପ୍ରିଣ୍ଟେଡ୍ ଶାର୍ଟ ଏହି ଲୁକ୍ ପାଇଁ ପୂରା ପରଫେକ୍ଟ ହୋଇଥାଏ। ତେବେ ଏହି ଲୁକ୍କୁ ଆହୁରି ଭଲ କରିବା ପାଇଁ ହାଇହିଲ୍ ପିନ୍ଧିବା ସାଙ୍ଗକୁ ହାଇ ପୋନିଟେଲ୍ ମଧ୍ୟ କରିପାରିବେ।
ଜରୁରୀ ଟିପ୍ସ
-ସବୁବେଳେ ନିଜକୁ ପରଫେକ୍ଟ ଫିଟିଙ୍ଗ୍ ହେଲା ଭଳି ଜିନ୍ସ କିଣିବା ଦରକାର।
– ଏହାର ସାଇଜ୍ ଓ ଲେଙ୍ଗ୍ଥ ପ୍ରତି ବି ବିଶେଷ ଧ୍ୟାନ ଦେବା ଆବଶ୍ୟକ।
– ତେବେ ବୁଟ୍କଟ୍ ଜିନ୍ସକୁ ଯେ କୌଣସି ଅକେଜନ୍ ହେଉ ଅବା ଯେ କୌଣସି ଋତୁରେ ପିନ୍ଧାଯାଇପାରେ, କିନ୍ତୁ ବର୍ଷାଦିନେ ଏଥିରେ ଦାଗ ଲାଗିବାର ଡ଼ର ରହିଥାଏ। ସେଥିପାଇଁ ସତର୍କତା ଅବଲମ୍ବନ କରିବା ଆବଶ୍ୟକ।