ବ୍ରହ୍ମପୁର ଅଫିସ,୧୯ ।୬: ବ୍ୟାଙ୍କର ଜଣେ ଗ୍ରାହକଙ୍କ ଅଜାଣତରେ ତାଙ୍କ ନାଁରେ ୭୦ ଲକ୍ଷ ଟଙ୍କାର ଋଣ ଉଠାଣ ହୋଇଛି। ବ୍ରହ୍ମପୁର ନୀଳକଣ୍ଠନଗର ସ୍ଥିତ ଆନ୍ଧ୍ର ବ୍ୟାଙ୍କରେ ଏହି ଘୋଟାଲା ହୋଇଛି। ଏସଡିଜେଏମ୍ କୋର୍ଟଙ୍କ ନିର୍ଦ୍ଦେଶ ପରେ ବୈଦ୍ୟନାଥପୁର ଥାନା ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
ଘଟଣାରୁ ପ୍ରକାଶ, ଅଳକାପୁରୀର ବ୍ୟବସାୟୀ ଶିବରାମ ବେହେରା ନୀଳକଣ୍ଠନଗର ସ୍ଥିତ ଆନ୍ଧ୍ର ବ୍ୟାଙ୍କ(ବର୍ତ୍ତମାନ ୟୁନିୟନ ବ୍ୟାଙ୍କ)ରୁ ୨୦୧୮ରେ ଏକ ଗୃହ ଋଣ ନେଇଥିଲେ ା ଋଣ ନେବା ବେଳେ ସେହି ବ୍ୟାଙ୍କର ମ୍ୟାନେଜରଙ୍କ କହିବା ପ୍ରକାରେ ମ୍ୟାନେଜରଙ୍କ ସହଯୋଗୀ ଭାବେ କାର୍ଯ୍ୟ କରୁଥିବା ଗୁପ୍ତେଶ୍ୱର ପଟ୍ଟନାୟକ ଶିବରାମଙ୍କ ଠାରୁ କିଛି କାଗଜରେ ଦସ୍ତଖତ ନେଇଥିଲେ ା ଋଣ ନେବାର କିଛି ମାସ ପରେ ଶିବରାମଙ୍କ ନାଁରେ ୭୦ ଲକ୍ଷ ଟଙ୍କାର ୫ଟି ଋଣ ଥିବା ଜଣାପଡ଼ିଥିଲା ା ଏ ନେଇ ବ୍ୟାଙ୍କ ପକ୍ଷରୁ ଶିବରାମଙ୍କ ନିକଟକୁ ନୋଟିସ ଆସିବା ପରେ ସେ ବ୍ୟାଙ୍କ ଯାଇ ଘଟଣା ସମ୍ପର୍କରେ ମ୍ୟାନେଜରଙ୍କୁ ପଚାରିଥିଲେ। ତେବେ ସେ କେବଳ ଗୃହ ଋଣ ନେଇଥିବା ବେଳେ ଅନ୍ୟ ୫ଟି ଋଣ ନେଇନାହାନ୍ତି ବୋଲି ମ୍ୟାନେଜରଙ୍କୁ ଜଣାଇଥିଲେ ା ଅଧିକ ଯାଞ୍ଚ ପରେ ସେହି ବ୍ୟାଙ୍କର ତତ୍କାଳୀନ ମ୍ୟାନେଜର ଓ ଗୁପ୍ତେଶ୍ୱର କାଗଜପତ୍ର ଜାଲିଆତି କରି ତାଙ୍କ ନାଁରେ ୭୦ ଲକ୍ଷ ଟଙ୍କାର ଋଣ ଉଠାଣ କରି ସମସ୍ତ ଟଙ୍କା ଚଳୁ କରି ଦେଇଥିବା ଶିବରାମ ଜାଣିବାକୁ ପାଇଥିଲେ। ଏ ନେଇ ସେ ବଡବଜାର ଥାନାରେ ଅଭିଯୋଗ କରିଥିଲେ ା ପୋଲିସ ଗୁପ୍ତେଶ୍ୱରଙ୍କୁ ଗିରଫ କରିଥିଲା। ଏହାପରେ ଶିବରାମ ଓକିଲଙ୍କ ମାଧ୍ୟମରେ ବ୍ରହ୍ମପୁର ଏସ୍ଡିଜେଏମ୍ଙ୍କ କୋର୍ଟରେ ଏକ ୱାନ ସିସି ମାମଲା ରୁଜୁ କରିଥିଲେ। କୋର୍ଟଙ୍କ ନିର୍ଦ୍ଦେଶ ପ୍ରକାରେ ବୈଦ୍ୟନାଥପୁର ଥାନା ପୋଲିସ ସମ୍ପୃୃକ୍ତ ମ୍ୟାନେଜର ଓ ଗୁପ୍ତେଶ୍ୱରଙ୍କ ନଁାରେ ନଂ ୨୦୭/୨୨ରେ ଆଉ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି।