ଜବ୍ ଇଣ୍ଟରଭ୍ୟୁ ପାଇଁ ଆବେଦନକାରୀଙ୍କୁ ବିଭିନ୍ନ ପ୍ରକାର ଚ୍ୟାଲେଞ୍ଜର ସାମ୍ନାକୁ ପଡିଥାଏ। କମ୍ପାନୀର ଯେକୌଣସି ପ୍ରକାର ଟେଷ୍ଟକୁ କ୍ରାକ୍ କରିବା ପାଇଁ ପ୍ରାର୍ଥୀ ଯଥା ସମ୍ଭବ ଚେଷ୍ଟା କରିଥାନ୍ତି। ଆବେଦନକାରୀଙ୍କ ମଧ୍ୟରୁ କିଛିଜଣ ଚାହାନ୍ତି କି, ଇଣ୍ଟରଭ୍ୟୁରେ କମ୍ପାନୀର ଲୋକଙ୍କୁ ଇମ୍ପ୍ରେସ କରିବା ସହ କିପରି ଭିଡ ଭିତରୁ ଅଲଗା ଦେଖାଯିବେ। ତେବେ ଆମେ ଆପଣଙ୍କୁ ଏପରି ଏକ ଚାକିରୀ ଇଣ୍ଟରଭ୍ୟୁ ବିଷୟରେ କହିବାକୁ ଯାଉଛୁ ଯେଉଁଠି ଇଣ୍ଟରଭ୍ୟୁରେ କଫି କପ୍ ଟେଷ୍ଟ ହୋଇଥାଏ।
ଗୋଟିଏ ସଫ୍ଟଓ୍ବେୟାର କମ୍ପାନୀର ସିଇଓ ଟ୍ରେଣ୍ଟ ଇନ୍ସ ଏସମ୍ପର୍କରେ ଖୁଲାସା କରିଛନ୍ତି। ସେ କହିଛନ୍ତି, କଫି କପ୍ ଟେଷ୍ଟରେ ବ୍ୟକ୍ତିଙ୍କର ଯୋଗ୍ୟତାକୁ ନେଇ କୌଣସି ପରୀକ୍ଷା କରାଯାଏ ନାହିଁ। ଏହି ଟେଷ୍ଟ ଦ୍ୱାରା ବ୍ୟକ୍ତି ଜଣକ ନିଜ ନୂଆ ଓ୍ବାର୍କ ପ୍ଲେସରେ ଖାପ ଖୁଆଇ ଚଳି ପାରୁଛନ୍ତି ନା ନାହିଁ ସେ ସମ୍ପର୍କରେ ମଧ୍ୟ ଦେଖାଯାଇଥାଏ।
ସେ ଆହୁରି କହିଛନ୍ତି, କମ୍ପାନୀ ପ୍ରତ୍ୟେକ କର୍ମଚାରୀ ପାଖରେ ଏକ ଟିମ୍ ପ୍ଲେୟାର ବିଶେଷତ୍ୟ ଗୁଣକୁ ଖୋଜିଥାଏ। ଏହାକୁ ନେଇ ଇଣ୍ଟରଭ୍ୟୁ ଭିତରେ ଆମେ ଏକ ଛୋଟ ଟେଷ୍ଟ କରିଥାଉ। ଯେଉଁଥିରେ ଇଣ୍ଟରଭ୍ୟୁ ବାହାନାରେ କମ୍ପାନୀର କିଚେନ ରୁମ୍କୁ ତାଙ୍କୁ ନେଇଯାଉ। ସେଠାରେ ତାଙ୍କୁ ଗୋଟିଏ କପ୍ ଚା ଦେଇଥାଉ।
ଇଣ୍ଟରଭ୍ୟୁ ପରେ ଆମେ ନଜର ରଖିଥାଉ କି, ବ୍ୟକ୍ତିଜଣକ ଖାଲି କଫି କପ୍କୁ ନିଜ ସ୍ଥାନରୁ ଉଠାଇ ନିର୍ଦ୍ଧିଷ୍ଟ ସ୍ଥାନରେ ରଖୁଛନ୍ତି କି ନାହିଁ। ଏହାଦ୍ୱାରା ତାଙ୍କର ଆଦର୍ଶ ବିଷୟରେ ଜାଣିପାରୁ।
ଖାଲି କପ୍କୁ ବେଞ୍ଚରେ ଛାଡିଗଲେ ତାଙ୍କୁ ରେଡ୍ ଫ୍ଲାଗ ଭାବରେ ଦେଖିଥାଉ। ଅର୍ଥାତ୍ ସେ କମ୍ପାନୀରେ ନିଜ ଛଡା ଆଉ କେଉଁ କର୍ମଚାରୀଙ୍କୁ ଖାତିର କରନ୍ତି ନାହିଁ। ଯଦି ସେ କପ୍ ଉଠାଉଛନ୍ତି ତେବେ ତାଙ୍କୂ ଏକ ଟିମ୍ ପ୍ଲେୟାର ଭାବେର ଦେଖିଥାଉ। ଏସବୁ ସମସ୍ତଙ୍କର ଦୃଷ୍ଟିକୋଣ ଉପରେ ନିର୍ଭର କରିଥାଏ।