ଦୁବାଇ,୧୯।୯: ଚଳିତ ଆଇପିଏଲ ସିଜନର ଦ୍ୱିତୀୟ ପର୍ଯ୍ୟାୟ ରବିବାରଠାରୁ ଦୁବାଇ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ଆରମ୍ଭ ହୋଇଯାଇଛି। ମୁମ୍ବାଇ ଇଣ୍ଡିଆନ୍ସ ବିପକ୍ଷ ମ୍ୟାଚ୍ରେ ଆରମ୍ଭରୁ ଚେନ୍ନାଇ ସୁପର କିଙ୍ଗ୍ସ (ସିଏସ୍କେ)କୁ ଲାଗିଛି ୫୦ ଭୋଲ୍ଟର ଝଟ୍କା। ପ୍ରଥମ ୨ ଓଭରରେ ଫାଫ ଡୁ’ପ୍ଲେସି ଓ ମୋଇନ ଅଲି ଖାତା ଖୋଲିବା ପୂର୍ବରୁ ଆଉଟ୍ ହୋଇ ପ୍ୟାଭିଲିଅନ ଫେରିଛନ୍ତି। ଏମାନଙ୍କ ଭଳି କିଛି କରିପାରି ନ ଥିଲେ ସୁରେଶ ରାଇନା (୪)। ଅନ୍ୟପକ୍ଷରେ ଆହତ ସମସ୍ୟା କାରଣରୁ ବରିଷ୍ଠ ବ୍ୟାଟ୍ସମ୍ୟାନ ଅମ୍ବାତି ରାୟୁଡୁ କ୍ରଜ୍ରୁ ଚାଲି ଯିବାରୁ ସିଏସ୍କେର ସ୍ଥିତି ଅତି ସଂଗିନ ହୋଇପଡ଼ିଛି। ମାତ୍ର ୩ ଓଭରରେ ୩ ଉଇକେଟ ହରାଇ ୭ ରନ୍ କରିଛି ସିଏସ୍କେ।
ଏବେ ରୁତୁରାଜ ଗାଏକ୍ୱାଡ (୧)ଙ୍କ ସହ ଅଧିନାୟକ ମହେନ୍ଦ୍ର ସିଂ ଧୋନୀ ଦଳୀୟ ସ୍ଥିତିକୁ ସମ୍ଭାଳିବାକୁ ପ୍ରୟାସ କରୁଛନ୍ତି।
