୫ ନଭେମ୍ବର, ଭାରତୀୟ କ୍ରିକେଟ୍ ସହିତ ଏହି ତାରିଖର ବିଶେଷ ସମ୍ପର୍କ ରହିଛି। କାରଣ ଏହି ଦିନ ଭାରତୀୟ ଦଳର ଜଣେ ମହାନ ଖେଳାଳି ଶେଷ ମ୍ୟାଚ୍ ଖେଳିଥିବା ବେଳେ ଅନ୍ୟ ଜଣେ ଏହି ଦିନ ଭାରତୀୟ ଦଳ ପାଇଁ ଚୟନ ହୋଇଥିଲେ। ସେହିପରି ଆଉ ଜଣେ ଖେଳାଳି ଏହି ଦିନରେ ଜନ୍ମଗ୍ରହଣ କରିଥିଲେ।
୫ ନଭେମ୍ବର, ୧୯୮୮ରେ ଭାରତୀର ଦଳର ଅଧିନାୟକ ବିରାଟ କୋହଲି ଜନ୍ମଗ୍ରହଣ କରିଥିଲେ। କିନ୍ତୁ ଖୁବ୍ କମ୍ ଲୋକ ଜାଣିଥିବେ ଯେ, ୫ ନଭେମ୍ବର ୧୯୮୭ରେ ଭାରତୀୟ ଦଳର ପୂର୍ବତନ ମହାନ ବ୍ୟାଟ୍ସମ୍ୟାନ ସୁନୀଲ ଗାଭାସ୍କର ଶେଷ ମ୍ୟାଚ୍ ଖେଳିଥିଲେ। ସେହିପରି କ୍ରିକେଟର ଭଗବାନ କୁହାଯାଉଥିବା ସଚିନ ତେନ୍ଦୁଲକର ୫ ନଭେମ୍ବର ୧୯୮୯ରେ ଭାରତୀୟ ଦଳ ପାଇଁ ମନୋନୀତ ହୋଇଥିଲେ। ଏହିପରି ଭାବେ ନଭେମ୍ବର ୫ ଭାରତୀୟ କ୍ରିକେଟରେ ସ୍ବତନ୍ତ୍ର ଦିନ।