ନୂଆଦିଲ୍ଲୀ, ୧୯।୧୨(ପି.ଟି.)-
ବିଶ୍ୱ ଚାମ୍ପିୟନଶିପ୍ ବ୍ରୋଞ୍ଜ ମେଡାଲିଷ୍ଟ ସିମରନଜିତ କୌର (୬୦ କେଜି) ଜର୍ମାନୀର କଲୋନରେ ଚାଲିଥିବା ବକ୍ସିଂ ବିଶ୍ୱକପର ଫାଇନାଲରେ ପ୍ରବେଶ କରିଛନ୍ତି। ସେ ଶୁକ୍ରବାର ୟୁକ୍ରେନର ମାରିଆନା ବାସନେଟ୍ସଙ୍କୁ ୪-୧ରେ ପରାସ୍ତ କରିଛନ୍ତି। ଶନିବାର ଫାଇନାଲ ଅନୁଷ୍ଠିତ ହେବ। ଏକ ଲଢ଼େଇରେ ୨ ଥର ବିଶ୍ୱ ପଦକ ବିଜେତା ସୋନିଆ ଲାଥର (୫୭ କେଜି) ୟୁକ୍ରେନର ସ୍ନିଝାନା ଖୋଲୋଡକୋଭାଙ୍କୁ ୩-୨ରେ ହରାଇ ସେମିଫାଇନାଲରେ ପହଞ୍ଚତ୍ଛନ୍ତି। ପୂର୍ବରୁ ବାଇ ପାଇଥିବା ନିଜ ଦେଶର ମନୀଷାଙ୍କୁ ସେମିରେ ଭେଟିବେ ସୋନିଆ। ଏସିଆନ ଗେମ୍ସ ବ୍ରୋଞ୍ଜ ବିଜେତା ସତୀଶ କୁମାର (+୯୧ କେଜି) ୫-୦ରେ ମାଲଡୋଭାର ଜାଭାଣ୍ଟିନ ଆଲେକ୍ସେଲଙ୍କୁ ହରାଇ ସେମିଫାଇନାଲରେ ପ୍ରବେଶ କରିଛନ୍ତି। ଫଳରେ ସେ ଅତିକମ୍ରେ ଏକ ବ୍ରୋଞ୍ଜ ଜିତିବା ନିଶ୍ଚିତ କରିଛନ୍ତି। ୫୭ କେଜି ବିଭାଗରେ ମହମ୍ମଦ ହୁସାମୁଦ୍ଦିନ ମଧ୍ୟ ଜର୍ମାନୀର ଉମର ବାଜଓ୍ବାଙ୍କୁ ୫-୦ରେ ହରାଇ ସେମିରେ ପହଞ୍ଚତ୍ଛନ୍ତି। ଅନ୍ୟ ଦୁଇ ୫୭ କେଜି ବିଭାଗ ଲଢ଼େଇରେ ରାଜ୍ୟଗୋଷ୍ଠୀ କ୍ରୀଡ଼ା ଚାମ୍ପିୟନ ଗୌରବ ସୋଲାଙ୍କି ସ୍ଥାନୀୟ ଖେଳାଳି ମୁରାଟ ୟିଲ୍ଡିରିମ୍ଙ୍କୁ ୩-୨ ଏବଂ କବିନ୍ଦର ସିଂ ଫ୍ରାନ୍ସର ସାମିଏଲ କିଷ୍ଟୋହୁରଙ୍କୁ ପରାସ୍ତ କରିଛନ୍ତି। ଗୁରୁବାର ହୋଇଥିବା ଲଢ଼େଇରେ ଅମିତ ଫଙ୍ଗାଲ ୫୨ କେଜି ବିଭାଗ ସେମିଫାଇନାଲରେ ପ୍ରବେଶ କରିଥିଲେ।
