ରାମପୁର: ଉତ୍ତରପ୍ରଦେଶର ରାମପୁରରେ ସର୍ପ ଦଶଂନକୁ ନେଇ ଏକ ଅଜବ ଘଟଣା ଦେଖିବାକୁ ମିଳିଛି। ଜଣେ ଯୁବକଙ୍କୁ ଲଗାତାର ଭାବେ ଗୋଟିଏ ସାପ କାମୁଡିବା ଚର୍ଚ୍ଚାର ବିଷୟ ପାଲଟିଛି। ସେ ହେଲେ ଯଶରାଜ ମିଶ୍ର। ରାମପୁରରେ ରହୁଥିବା ଯଶରାଜଙ୍କୁ ଗୋଟିଏ ମାସରେ ୮ଥର ସାପ କାମୁଡ଼ିଲାଣି। ପାଞ୍ଚରୁ ଛଅ ଦିନ ତଳେ ତାଙ୍କୁ ସାପ ପୁଣିଥରେ କାମୁଡ଼ିବା ପରେ ପରିବାରଲୋକେ ଡାକ୍ତର ଏବଂ ସାପୁଆ କେଳାଙ୍କ ସହଯୋଗ ଲୋଡ଼ିଛନ୍ତି।
ଯଶରାଜଙ୍କ ବାପା ଚନ୍ଦ୍ରମୌଲି କୁହନ୍ତି, ପୁଅଙ୍କୁ ତୃତୀୟ ଥର ସାପ କାମୁଡ଼ିବା ପରେ ତାଙ୍କୁ ସମ୍ପର୍କୀୟ ରାମଜି ଶୁକ୍ଳାଙ୍କ ବାହାଦୁରପୁର ଗ୍ରାମକୁ ପଠାଇଦେଇଥିଲି। କିଛି ଦିନ ପରେ ସେ ଘର ପାଖରେ ସେହି ସାପକୁ ଦେଖିଥିଲା। ସାପଟି ତାଙ୍କୁ ମଧ୍ୟ କାମୁଡ଼ିଥିଲା। ଏହା ଜଣାପଡ଼ିବା ପରେ ଯଶରାଜଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଇଥିଲା। ହେଲେ ବାରମ୍ବାର ଏହି ଘଟଣା ଘଟୁଥିବାରୁ ଯଶରାଜଙ୍କୁ ଗ୍ରାମର ଡାକ୍ତରଙ୍କ ପାଖକୁ ନିଆଯାଉଛି। ଏପରିକି ସାପଠାରୁ ଦୂରରେ ରଖିବା ପାଇଁ ପରିବାରଲୋକେ ବିକଳ୍ପ ଉପାୟ ବାଛୁଛନ୍ତି। ହେଲେ କ’ଣ ପାଇଁ ସାପଟି କେବଳ ଯଶରାଜଙ୍କୁ କାମୁଡ଼ୁଛି ତାହା ବୁଝାପଡ଼ୁନାହିଁ। ଏହାକୁ ନେଇ ସେ ମଧ୍ୟ ମାନସିକ ଭାବେ ଅଶାନ୍ତ ହୋଇପଡ଼ିଛନ୍ତି। ସବୁବେଳେ ଅଜଣା ଡ଼ର ଲାଗି ରହୁଛି। ଅନେକ ଥର ପୂଜାପାଠ କରାଯିବା ସହ ସାପୁଆ କେଳାଙ୍କୁ ଡକାଗଲାଣି। ହେଲେ ସାପଟିକୁ ଧରାଯାଇପାରୁନାହିଁ ବୋଲି ସେ କହିଛନ୍ତି।