ପରଜଙ୍ଗ,୧୮।୫(ଡି.ଏନ୍.ଏ.): ଢେଙ୍କାନାଳ ଜିଲା ପରଜଙ୍ଗ ଥାନା ସରାଙ୍ଗ ଫାଣ୍ଡି ଅଧୀନ ଅନନ୍ତ ଶୟନ ନିକଟରେ ଥିବା ଅତି ଉଚ୍ଚ ଶକ୍ତି ସମ୍ପନ୍ନ ବିଦ୍ୟୁତ ଟାଓ୍ବାର ଉପରକୁ ଜଣେ ଯୁବକ ଶନିବାର ସକାଳେ ଚଢ଼ି ଯାଇଥିଲେ। ଦୀର୍ଘ ସମୟ ଧରି ନ ଓହ୍ଲାଇବାରୁ ପୋଲିସକୁ ଖବର ଦିଆଯାଇଥିଲା। ଖବର ପାଇ ପୋଲିସ, ଅଗ୍ନିଶମ ବିଭାଗ ଓ ପରିବାରଲୋକେ ସେଠାରେ ପହଞ୍ଚି ବୁଝାସୁଝା କରିଥିଲେ ମଧ୍ୟ ସେ ଓହ୍ଲାଇ ନ ଥିଲେ। ତାଙ୍କୁ ଉଦ୍ଧାର କରିବାକୁ ଚେଷ୍ଟା କରାଯାଉଥିଲେ ହେଁ କିଛି ସମୟ ପରେ ସେ ନିଜେ ତଳକୁ ଆସିଥିଲେ। ଯୁବକଜଣଙ୍କ ହେଲେ ସରାଙ୍ଗ ପୁରୁଣା ସାହିର ସନାତନ ରଣାଙ୍କ ପୁଅ ସତ୍ୟବାନ ରଣା। ସତ୍ୟବାନ ଟାଓ୍ବାରରେ ଚଢ଼ି ଓହ୍ଲାଇ ନ ଥିଲେ। ଏଥିପାଇଁ ପରିବାରଲୋକଙ୍କ ସହ ଅନ୍ୟମାନଙ୍କୁ ଏଥିଲାଗି ନାକେଦମ ହେବାକୁ ପଡ଼ିଥିଲା। ଶେଷରେ ଟାଓ୍ବାରରୁ ସେ ନିଜେ ଓହ୍ଲାଇଥିଲେ। ତେବେ ସେ ବେଳେ ବେଳେ ଏଭଳି କାଣ୍ଡ ଘଟାଇ ପରିବାରଲୋକଙ୍କୁ ଚିନ୍ତାରେ ପକାଉଥିବା ସେମାନେ କହିଛନ୍ତି।