ଦୁନିଆରେ ପ୍ରତ୍ୟେକ ବ୍ୟକ୍ତିଙ୍କ ପାଖରେ କିଛି ନା କିଛି ପ୍ରତିଭା ଲୁଚିକି ରହିଛି। ସେ ଗରିବ ହୁଅନ୍ତୁ କି ଧନୀ। ସମସ୍ତଙ୍କ ନିକଟରେ ଅନନ୍ୟ ପ୍ରତିଭା ରହିଥାଏ। ଏମିତି ଜଣେ ପ୍ରତିଭାବାନ ଯୁବକଙ୍କୁ ସୋସିଆଲ ମିଡିଆରେ ଦେଖିବାକୁ ମିଳିଛି। ଯାହାଙ୍କ ଡ୍ୟାନ୍ସ ଏବେ ତୀବ୍ର ବେଗରେ ଭାଇରାଲ ହେବାରେ ଲାଗିଛି। ଭିଡିଓରେ ଦେଖିବାକୁ ମିଳିଛି ଜଣେ ଯୁବକ ଏକ ଟ୍ରାଫିକ ପୋଷ୍ଟରେ ‘ମୁନ୍ଓ୍ବାକ୍’ କରୁଥିବା ନଜର ଆସିଛନ୍ତି। ତାଙ୍କର ମୁନ୍ଓ୍ବାକ୍ ଡ୍ୟାନ୍ସ ଲୋକଙ୍କୁ ଖୁବ୍ ପସନ୍ଦ ଆସିଛି।
ଭିଡିଓଟିକୁ ଡେଭିଡ୍ ହରମନ ନାମକ ଜଣେ ବ୍ୟକ୍ତି ସୋସିଆଲ ମିଡିଆରେ ଶେୟାର କରିଛନ୍ତି। ଏଥିରେ ଦେଖିବାକୁ ମିଳିଛି ଜଣେ ଯୁବକ ଟ୍ରାଫିକରେ ଗାଡ଼ି ଅଟକାଇ ମୁନ୍ଓ୍ବାକ୍ କରୁଛନ୍ତି। ଭିଡିଓ ଦେଖିଲେ ଲାଗୁଛି ଯେମିତି ଯୁବକଙ୍କ ଗୋଡ଼ରେ ଚକ ଲାଗିଛି।
ଭିଡିଓଟିକୁ ବର୍ତ୍ତମାନ ସୁଦ୍ଧା ୭୦ ଲକ୍ଷରୁ ଅଧିକ ଲୋକ ଦେଖିସାରିଲେଣି। ଏଥିସହିତ ଲୋକେ ଖୁବ୍ ଭଲ କମେଣ୍ଟ ବି ଦେଉଛନ୍ତି। ଯୁବକଙ୍କ ଡ୍ୟାନ୍ସ ଦର୍ଶକଙ୍କ ହୃଦୟ ଜିତି ନେଇଛି। ଯୁବକଙ୍କ ଡ୍ୟାନ୍ସ ଦେଖି ଲୋକେ କହୁଛନ୍ତି ଏମିତି କେମିତି କରିପାରୁଛନ୍ତି।