ପ୍ରତ୍ୟେକ ଦିନ ସୋସିଆଲ ମିଡିଆରେ କିଛିନା କିଛି ଭିଡିଓ ଏବଂ ଫଟୋ ଭାଇରାଲ ହେଉଛି। ଯାହା ହସର ଖୋରାକ ଯୋଗାଉ ଥିବା ବେଳେ ଅନେକ ସମୟରେ ଭାବପ୍ରବଣ କରିଥାଏ। ବର୍ତ୍ତମାନ ଟୁଇଟରରେ ଏକ ଭିଡିଓ ଭାଇରାଲ ହେଉଛି। ମଣିଷ ସାପକୁ ଭୟ କରୁଥିବା ବେଳେ କେତେଜଣ ତା ନା ଶୁଣି ମଧ୍ୟ ଡରିଯାନ୍ତି। କିଛି ଲୋକ ଏପରି ମଧ୍ୟ ଅଛନ୍ତି ଯେଉଁମାନେ ଲାଇମ୍ ଲାଇଟ୍କୁ ଆସିବାକୁ କିଂ କୋବ୍ରା ସହିତ ଖେଳିବାକୁ ମଧ୍ୟ ପଛାଇ ନଥାନ୍ତି । ଭିଡିଓରେ ଜଣେ ବ୍ୟକ୍ତିଙ୍କୁ ଦେଖିବାକୁ ମିଳୁଛି ସେ କିଂ କୋବ୍ରା ଲାଞ୍ଜକୁ ଧରି ତା ସହ ଖେଳୁଥିବା ବେଳେ ସାପଟି ରାଗିଯାଇ ତାଙ୍କୁ ଆକ୍ରମଣ କରିବାକୁ ଚେଷ୍ଟାକରୁଛି। ସେଠାରେ ଉପସ୍ଥିତ ଲୋକେ ମଧ୍ୟ ଏହାର ପ୍ରତିବାଦ ନକରି ଭିଡିଓ କରିବାରେ ବ୍ୟସ୍ତ ଅଛନ୍ତି। ଭିଡିଓଟି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।