ସାଧାରଣତଃ ଛୋଟ ପିଲାଙ୍କୁ ଗାଡ଼ି ଚଳାଇବାକୁ ଦେବାକୁ ପିତାମାତାମାନେ ଡରିଥାନ୍ତି। ହେଲେ ସୋସିଆଲ ମିଡିଆରେ ଏପରି ଜଣେ ବାଳକଙ୍କ ଭିଡିଓ ଭାଇରାଲ ହେଉଛି, ଯାହାଙ୍କ ଗାଡ଼ି ଚାଳନା ଅନେକଙ୍କୁ ଚକିତ କରୁଛି। କାରଣ ସେ ଯେଉଁଭଳି ଭାବେ ଜେଜେମା’ଙ୍କୁ ବସାଇ ଝଡ଼ଭଳି ଲୁନା ଚଳାଉଛନ୍ତିି, ଦେଖିଲେ ଡର ଲାଗିବ।
ପିଲାମାନେ ନିଜର କୋମଳତାକୁ ନେଇ ସମସ୍ତଙ୍କ ହୃଦୟ ଜିତିଥାନ୍ତି। ହେଲେ କିଛି ପିଲା ଓଳିଆରୁ ପଡ଼ି ଗଜା ଭଳି ହୋଇଥାନ୍ତି। କାରଣ ସେମାନେ ତାଙ୍କ ବ୍ୟବହାରକୁ ନେଇ ଚର୍ଚ୍ଚାରେ ରହିଥାନ୍ତି। ଯେମିତି ଏହି ବାଳକ। ସେ ଜେଜେମା’ଙ୍କୁ ବସାଇ ଦ୍ରୁତ ଗତିରେ ଲୁନାକୁ ଚଳାଉଛନ୍ତି। ରାସ୍ତାରେ ଯାଉଥିବା ଲୋକଙ୍କ ନଜର ତାଙ୍କ ଉପରେ ପଡ଼ିବା ମାତ୍ରେ ସେମାନେ ଚକିତ ହୋଇଯାଉଛନ୍ତି। ଅନେକ ଯାହା ଦେଖିଲେ ତାହା ସତ କି ନା ବୁଝିପାରୁନାହାନ୍ତି।
ଦେଖନ୍ତୁ ଭିଡିଓ:
ଭିଡିଓ ଦେଖି ଆପଣ ବି ଚକିତ ହୋଇଯାଇଥିବେ। ତେବେ ଭିନ୍ନ ଭିନ୍ନ ସୋସିଆଲ ମିଡିଆ ପ୍ଲାଟଫର୍ମରେ ଏହା ଭାଇରାଲ ହେଉଛି। ଏଯାବତ ଲକ୍ଷ ଲକ୍ଷ ଲୋକ ଏହାକୁ ଦେଖିଥିବା ବେଳେ ହଜାର ହଜାର ପସନ୍ଦ କରିଛନ୍ତି। ଅନେକ ତାଙ୍କୁ ‘ହେଭି ଡ୍ରାଇଭର’ ବୋଲି କହୁଥିବା ଦେଖାଯାଇଛି।
