ସାଧାରଣତଃ କୌଣସି କଥାକୁ ନେଇ ଗର୍ଲଫ୍ରେଣ୍ଡ-ବୟଫ୍ରେଣ୍ଡଙ୍କ ମଧ୍ୟରେ ମନୋମାଳିନ୍ୟ ହୋଇଥାଏ। କିଛି କାରଣ ପାଇଁ ସେମାନଙ୍କ ମଧ୍ୟରେ ବ୍ରେକ୍ଅପ୍ ବି ହୋଇଥାଏ। ମାତ୍ର ଜଣେ ବୟଫ୍ରେଣ୍ଡ ଗର୍ଲଫ୍ରେଣ୍ଡଙ୍କ ଓଜନ ବୃଦ୍ଧି ଯୋଗୁ ତାଙ୍କୁ ଛାଡ଼ିଦେବା ଶୁଣିଲେ ଆଶ୍ଚର୍ଯ୍ୟ ଲାଗେ।
ଆଜିକାଲି ସୋସିଆଲ ମିଡିଆରେ ଜୋସି ନାମକ ଜଣେ ଯୁବତୀ ଚର୍ଚ୍ଚାରେ ରହିଛନ୍ତି। ଜୋସିଙ୍କ ଓଜନ ପୂର୍ବରୁ ୧୩୭ କେଜି ଅର୍ଥାତ୍ ୧ କ୍ୱିଣ୍ଟାଲ ୩୭ କିଲୋଗ୍ରାମ ଥିଲା। ତେଣୁ ତାଙ୍କ ବୟଫ୍ରେଣ୍ଡ ସବୁବେଳେ ତାଙ୍କୁ ପରିହାସ କରିବା ସହ ହୀନ ଦୃଷ୍ଟିରେ ଦେଖିଥାନ୍ତି। ଏହି କାରଣରୁ ତାଙ୍କର ବ୍ରେକ୍ଅପ୍ ହୋଇଗଲା। ଏହା ପରେ ଜୋସି ଓ୍ବର୍କଆଉଟ୍ ଆରମ୍ଭ କରିଦେଲେ। ଡାଏଟ କଣ୍ଟ୍ରୋଲ ଏବଂ ନିଜର ଓଜନ କମାଇ ଦେଲେ। ଏପରିକି ସେ ବ୍ୟକ୍ତିଗତ ଟ୍ରେନର ମଧ୍ୟ ରଖିଥିଲେ। ପରେ ତାଙ୍କ ଓଜନ ୬୩ କିଲୋଗ୍ରାମ କମିଥିଲା। ଫଳରେ ସେ ବହୁତ ସୁନ୍ଦର ଦେଖାଗଲେ। ପରେ ତାଙ୍କ ବୟଫ୍ରେଣ୍ଡ ପୁଣି ତାଙ୍କୁ ଗ୍ରହଣ କରିଥିଲେ।