ବମ୍ବେ: ଚୁଲବୁଲି ଅଭିନେତ୍ରୀ ଆଲିଆ ଭଟ୍ଟଙ୍କ ଆଖିରେ ନିଦ ନାହିଁ। ଦିନେ କି ଦୁଇ ଦିନ ନୁହେଁ ସେ ଗତ ସପ୍ତାହେ ହେଲାଣି ଶୋଇ ନାହାନ୍ତି। ଆପଣ ଭାବୁଥିବେ ରଣବୀର କପୁରଙ୍କ ପାଇଁ। ହେଲେ ନା। ଜୁନ ୧୫ ଅର୍ଥାତ ବୁଧବାର ତାଙ୍କ ଫିଲ୍ମ ‘ବ୍ରହ୍ମାସ୍ତ୍ର’ର ଟ୍ରେଲର ରିଲିଜ ହେବ। ଏହାକୁ ନେଇ ସେ ବେଶ ଉତ୍ସାହିତ ଅଛନ୍ତି। ଟ୍ରେଲର୍କୁ ସେ ପଚିଶରୁ ତିରିଶ ଥର ଦେଖିସାରିଲେଣି। ହେଲେ ପେଟ ପୁରୁନାହିଁ। ମନ ଭିତରେ ତାଙ୍କର ଏତେ କଥା ଚାଲିଛି ଯେ ତାଙ୍କ ଆଖିକୁ ନିଦ ଆସୁନାହିଁ ବୋଲି ଅଭିନେତ୍ରୀ ନିଜେ ସୋସିଆଲ ଆକାଉଣ୍ଟରେ ଏକ ଭିଡିଓ ଶେୟାର କରି କହିଛନ୍ତି।
ବ୍ରହ୍ମାସ୍ତ୍ରର ଶୁଟିଂ ୨୦୧୭ରୁ ଆରମ୍ଭ ହୋଇଥିଲା। ଚଳିତ ବର୍ଷ ଏହାର ଶୁଟିଂ ଶେଷ ହୋଇଛି। ଏହାର ନିର୍ଦ୍ଦେଶନା ଦେଇଛନ୍ତି ଅୟାନ ମୁଖାର୍ଜୀ। ଫିଲ୍ମରେ ଆଲିଆଙ୍କ ସହ ରଣବୀର କପୁର ମଧ୍ୟ ପ୍ରମୁଖ ଭୂମିକାରେ ନଜର ଆସିବେ। ଏଣୁ ବ୍ୟକ୍ତିଗତ ଭାବେ ମଧ୍ୟ ଆଲିଆଙ୍କ ଲାଗି ଏହା ବେଶ ମହତ୍ୱ ରଖୁଛୁ। ଦର୍ଶକେ ମଧ୍ୟ ଏହାକୁ ବଡ଼ ପରଦାରେ ଦେଖିବାକୁ ଅପେକ୍ଷା କରି ରହିଛନ୍ତି।