ରସୁଲପୁର/ଧର୍ମଶାଳା, ୨୨ା୮(ଡି.ଏନ.ଏ.): poରସୁଲପୁର ବ୍ଲକର ଉତ୍ତର ସୀମାରେ ଖରସ୍ରୋତା ଓ ଦକ୍ଷିଣ ସୀମାରେ ପ୍ରବାହିତ ବ୍ରାହ୍ମଣୀ ନଦୀର ଜଳସ୍ତର ବଢ଼ିବାରେ ଲାଗିଛି। ରେଙ୍ଗାଳି ଡ୍ୟାମର ଉପର ମୁଣ୍ଡରେ ଅଧିକ ବର୍ଷା ହୋଇଛି। ରବିବାର ସନ୍ଧ୍ୟା ୬ଟା ସୁଦ୍ଧା ଏହି ଡ୍ୟାମରୁ ଗୋଟିଏ ଗେଟ୍ ଦେଇ ବନ୍ୟାଜଳ ପ୍ରବାହିତ ହେଉଛି। ଫଳରେ ଯାଜପୁର ଜିଲାର ଜେନାପୁରଠାରେ ବିପଦସଙ୍କେତ ୬୭ଫୁଟ ଥିବାବେଳେ ୬୧.୫୦ଫୁଟ୍ ଉଚ୍ଚରେ ଜଳ ପ୍ରବାହିତ ହେଉଛି। ରାତି ସୁଦ୍ଧା ଆଉ ଅଧିକ ଗେଟ୍ ଖୋଲାଯିବାର ସମ୍ଭାବନା ରହିଥିବା ନେଇ ରେଙ୍ଗାଳି ଡ୍ୟାମ ଡିଭିଜନର ଅଧୀକ୍ଷଣ ଯନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଯାଜପୁର ସମେତ ୫ ଜିଲାର ଜିଲାପାଳଙ୍କୁ ସର୍ତକ କରାଇ ଦିଆଯାଇଛି। ୨ ନଦୀବନ୍ଧର ଉଭୟ ପାର୍ଶ୍ୱରେ ଥିବା ଜନସାଧାରଣଙ୍କୁ ଏ ନେଇ ସତର୍କ ରହିବାକୁ କୁହାଯାଉଛି। ସମ୍ଭାବ୍ୟ ବନ୍ୟା ସ୍ଥିତିକୁ ନଜରରେ ରଖି ରସୁଲପୁର ବ୍ଲକ ପ୍ରଶାସନ ପକ୍ଷରୁ ୩ ବୋଟ୍, ୨ ଲାଇଫ୍ ଜ୍ୟାକେଟ୍, ୪ଜଣ ଲାଇଫବଏ ପ୍ରସ୍ତୁତ ଅଛନ୍ତି। ଆବଶ୍ୟକ ସ୍ଥଳେ ଧର୍ମଶାଳା ବ୍ଲକ ଅଞ୍ଚଳରୁ ଅଗ୍ନିଶମ ବାହିନୀ, ପାଣିକୋଇଲିରୁ ଏନ୍ଡିଆରଏଫ୍ ଟିମ୍ର ସହାୟତା ଅଣାଯିବ। ଏଥିସହ ବ୍ଲକର ଲକ୍ଷ୍ମୀନଗର ପଞ୍ଚାୟତରେ ଥିବା ବାତ୍ୟା ଆଶ୍ରୟସ୍ଥଳକୁ ସୁରକ୍ଷିତ ରଖାଯାଇଛି। ତଳେ ଗୋରୁମାନଙ୍କୁ ରଖାଯିବ ଏବଂ ଉପରେ ବନ୍ୟା ବିପନ୍ନମାନେ ରହିବାକୁ ବ୍ୟବସ୍ଥା କରାଯାଇଛି। ବ୍ଲକରେ ୮୦ କୁଇଣ୍ଟାଲ ଚାଉଳ ମହଜୁଦ ରଖାଯାଇଛି ବୋଲି ବିଡିଓ ଅବନିକାନ୍ତ ସାହୁ ସୂଚନା ଦେଇଛନ୍ତି।
ଓ ବ୍ରାହ୍ମଣୀ ନଦୀର ଜଳସ୍ତର ବଢ଼ବା ଦ୍ୱାରା ରସୁଲପୁର, ବରୀ, ଧର୍ମଶାଳା ନିର୍ବାଚନମଣ୍ଡଳୀର ଅଧିକାଂଶ ଅଞ୍ଚଳ34bb ପ୍ରଭାବିତ ହୋଇପାରେ। ରିପୋର୍ଟ ଲେଖାହେବା ସୁଦ୍ଧା ନଦୀରେ ପ୍ରବାହିତ ବନ୍ୟାଜଳ ରସୁଲପୁର ବ୍ଲକର ଭୋଟକା ପଞ୍ଚାୟତର ଭୋଟକା, ରସୁଲପୁର ପଞ୍ଚାୟତର ସୁଆଁସାହି, ଗନ୍ଧଣ ପଞ୍ଚାୟତର ବଣ୍ଟରା, ଏକତଳା, ଗନ୍ଧଣ, ପାରିକଇଁଚି, ଦରକୁଣ୍ଡି, ଟିକରପଡ଼ା ପଞ୍ଚାୟତର କୁଜିବର ଗ୍ରାମର ୧୦୦୦ ହେକ୍ଟରରୁ ଊର୍ଦ୍ଧ୍ୱ ଚାଷ ଜମିରେ ମାଡିଗଲାଣି। ଏହାଦ୍ୱାରା ଧାନ, ପନିପରିବା ଉପତ୍ାଦନ ପ୍ରବାହିତ ହେବା ସ୍ପଷ୍ଟ ହୋଇଯାଇଛି। ଫଳରେ ପରିବା ଦର ଆକାଶଛୁଅଁା ହେବା ସହ ଚାଷୀମାନେ ବିପୁଳ କ୍ଷତିର ସମ୍ମୁଖୀନ ହେବା ଆଶଙ୍କା ଦେଖାଦେଇଛି।